U centry Minska pradajecca simpatyčnaja stalinka z dvuma francuzskimi bałkonami
Hetaja kvatera pasuje tym, chto šukaje hatovuju stalinku dla žyćcia. Tut zrobleny śvietły ramont u kłasičnym styli.
Žyllo moža stać dobraj inviestycyjaj dziakujučy svajmu raźmiaščeńniu: dom znachodzicca kala płoščy Pieramohi, ale schavany ad šumnych daroh, piša Realt.by.
Dvuchpakajovaja stalinka ahulnaj płoščaj 52 m² raźmieščana ŭ samym centry Minska — na vulicy Čyrvonaj, 16. Kvatera znachodzicca na čaćviortym paviersie piacipaviarchovaha cahlanaha doma, pabudavanaha ŭ 1953 hodzie. Nad joj raźmieščany techničny pavierch. U kvatery jość dva asobnyja pakoi i kuchnia płoščaj 7 m².
Padčas niadaŭniaha ramontu całkam abnavili elektrapravodku, zamianili ŭsie santechničnyja truby i ŭstalavali sučasnyja radyjatary aciapleńnia. Interjer padkreślivaje hałoŭnuju pieravahu stalinskaj płaniroŭki — trochmietrovyja stoli. Ścieny azdobleny ŭ śvietłych adcieńniach, na stoli zrobleny mołdynhi i lapnina.
Na kuchni častkova adkryli cahlanuju kładku doma. Adsiul taksama jość vychad na adkryty bałkon. Pieravaha doma ŭ tym, što jon schavany ŭ dvarach. Na kuchni ŭstalavany nievialiki liniejny kuchonny harnitur z chaładzilnikam i hazavaj plitoj.
Dziakujučy dźviaram ź vialikimi šklanymi ŭstaŭkami ŭ kalidor traplaje naturalnaje śviatło. Adzin z pakojaŭ abstalavany jak paŭnavartasnaja spalnia. Druhi možna pierarabić pad haścinuju. Tam, darečy, taksama jość adkryty bałkon.
Da stancyj mietro «Płošča Jakuba Kołasa» i «Płošča Pieramohi» možna dajści ŭsiaho za piać chvilin. Pobač znachodziacca CUM, Kamaroŭski rynak i handlovyja centry.
Za kvateru prosiać 529 688 rubloŭ (prykładna 176 tysiač dalaraŭ).
Małodšy syn Sachaščyka abvieščany źnikłym bieź viestak. Vyhladaje, jon vajavaŭ za Rasiju88
Kamientary
Za $2000/kv.m kuplu.