Hiermanija i Francyja admovilisia ad poŭnaj zabarony aŭtamabilaŭ z ruchavikami ŭnutranaha zharańnia
Bierlin i Paryž uzhadnili sumiesny płan pierahladu jeŭrapiejskich klimatyčnych patrabavańniaŭ da novych aŭtamabilaŭ.
Pavodle kampramisu, aŭtavytvorcy pavinny buduć skaracić siarednija vykidy CO₂ svajho novaha aŭtaparka na 90% u paraŭnańni z uzroŭniem 2021 hoda, a nie na 100%, jak praduhledžvali dziejnyja praviły ES, piša Bild.
Heta aznačaje, što paśla 2035 hoda vytvorcy zmohuć praciahvać pradavać novyja bienzinavyja i dyzielnyja aŭtamabili, kali vykanajuć patrabavańni da siarednich vykidaŭ usioj svajoj madelnaj liniejki. Pry hetym havorka nie idzie pra dazvoł vypuskać lubyja aŭtamabili z ruchavikami ŭnutranaha zharańnia biez abmiežavańniaŭ.
Jeŭrakamisija ŭžo prapanoŭvała źmiakčyć praviły: źnizić metavy pakazčyk da 90%, ale kampiensavać astatnija 10% za košt nizkavuhlarodzistaj stali i alternatyŭnych vidaŭ paliva. U novym franka-niamieckim płanie abaviazkovuju kampiensacyju astatnich vykidaŭ admianiajuć.
Uzamien Hiermanija pahadziłasia padtrymać bolš strohija praviły «Zroblena ŭ Jeŭropie»: dziaržaŭnyja subsidyi i inšyja miery padtrymki płanujuć bolš ciesna źviazać z vytvorčaściu aŭtamabilaŭ i kamplektujučych u Jeŭropie. Pry peŭnych umovach u hetuju katehoryju zmoža ŭvajści i Vialikabrytanija.
Kancler Frydrych Mierc i prezident Francyi Emanuel Makron raźličvajuć, što kampramis dapamoža jeŭrapiejskamu aŭtapramu zachavać pracoŭnyja miescy i kankurentazdolnaść.
Adnak pakul heta ahulnaja pazicyja dźviuch krain, a nie kančatkovaje rašeńnie ES: prapanovu jašče pavinny ŭzhadnić astatnija dziaržavy-členy i Jeŭrapiejski parłamient.
Ciapier čytajuć
Syn ministra Kubrakova staŭ načalnikam Centralnaha RUUS Minska. Major, ale budzie kiravać pałkoŭnikami4
Syn ministra Kubrakova staŭ načalnikam Centralnaha RUUS Minska. Major, ale budzie kiravać pałkoŭnikami
«Paśla pieršaha zabojstva ź im raźviałasia žonka». Što viadoma pra šmatdzietnaha Siarhieja sa Stolinskaha rajona, jaki paśla vyzvaleńnia z kałonii zabiŭ troch čałaviek33
Kamientary