Biełaruski źniavoleny mała taho, što stres hrošy z Rasii za ŭmovy ŭtrymańnia ŭ SIZA, dyk jašče i vybiŭ kampiensacyju za doŭhaje čakańnie tych hrošaj
Dźmitryj Traćciakoŭ pierajazdžaŭ miž kałonijami i źmianiŭ proźvišča na Łukinskaha, tamu jaho i nie mahli znajści. Ale heta ž nie jaho prablema.
Archanhielski abłasny sud (Rasija) 6 kastryčnika 2026 hoda prysudziŭ biełaruskamu źniavolenamu Dźmitryju Łukinskamu kampiensacyju za parušeńnie prava na vykanańnie sudovaha akta ŭ razumny termin — $180. Hrošy buduć spahnanyja ź biudžetu Rasii. Sam Łukinski prasiŭ $3600.
Historyja pačałasia ŭ Archanhielsku jašče viasnoj 2024 hoda. Dźmitryj Traćciakoŭ sudziŭsia ź miascovym SIZA za nienaležnyja ŭmovy jaho ŭtrymańnia. Jamu prysudzili $32 kampiensacyi.
Hrošy Traćciakovu pasprabavali pieraličyć u kałoniju, dzie jon tady siadzieŭ. A jon tym časam vyzvaliŭsia, tamu płaciežnaje daručeńnie viarnułasia biez apłaty.
Da taho ž adrazu paśla vychadu na svabodu jon źmianiŭ proźvišča na Łukinski. Ministerstva finansaŭ Rasii vosieńniu 2024 hoda napisała byłomu viaźniu, kab jon daŭ rekvizity svajho bankaŭskaha rachunku, ale adkazu nie atrymała.
Tym časam Łukinski apynuŭsia ŭ Biełarusi — i trapiŭ za kraty. U sakaviku 2025 hoda ŭ sudzie Połackaha rajona jamu vynieśli prysud, adpravili adbyvać pakarańnie ŭ mahiloŭskuju kałoniju.
Kałonija dała rasijskim uładam svaje rekvizity. Ale pakul rasijanie źbiralisia pieraličvać hrošy, Łukinski znoŭ prapaŭ!
Akazałasia, što jaho adpravili siadzieć u Archanhielskuju vobłaść — mahčyma, jon rasijanin (hramadzianstva ŭ rašeńni suda nie paznačana), jaki paprasiŭ adpravić jaho na radzimu.
Tolki 4 vieraśnia 2026 hoda Łukinskaha znajšli ŭ archanhielskaj kałonii — i zaličyli na jaho rachunak tyja samyja startavyja $32.
Źniavoleny vyrašyŭ jašče papierapisvacca z sudom — i paprasiŭ kampiensacyju za marudnaje vykanańnie rašeńnia. Hrošy išli da jaho 2 hady 3 miesiacy i 20 dzion! Sud pryznaŭ, što heta sapraŭdy pierabor. U vyniku Łukinskamu naličać jašče $180.
Ciapier čytajuć
Małodšy syn Sachaščyka abvieščany źnikłym bieź viestak. Vyhladaje, jon vajavaŭ za Rasiju99
Małodšy syn Sachaščyka abvieščany źnikłym bieź viestak. Vyhladaje, jon vajavaŭ za Rasiju
«Zaprasiŭ mianie na spatkańnie i pryjechaŭ na jaho z pakietam pamidoraŭ zamiest kvietak». Što ŭspaminajuć pra Jana Pamiedora Reuckaha, admina šmattysiačnaj supołki biełarusaŭ Polščy55
Kamientary