27‑hadovy hamialčuk niekalki miesiacaŭ źbivaŭ žonku, a ŭ kancy sakavika zabiŭ, naniosšy nie mienš za 35 udaraŭ. Žančyna pamierła na miescy. Jana była ciažarnaja — termin składaŭ nie mienš za dziesiać tydniaŭ.
Prakuratura Homielskaj vobłaści pieradała spravu ŭ sud. Mužčynu abvinavačvajuć u katavańni ciažarnaj žančyny i jaje zabojstvie z asablivaj žorstkaściu.
Pavodle materyjałaŭ spravy, hvałt praciahvaŭsia šmat miesiacaŭ. Mužčyna biŭ žonku pa hałavie i ciahaŭ za vałasy navat na ludziach — u svajakoŭ, znajomych, a taksama na pracy. U prakuratury paviedamlajuć, što jon byŭ pad dziejańniem ałkaholu i psichatropnych rečyvaŭ.
U kancy sakavika ŭ zdymnaj kvatery jon, pavodle abvinavačańnia, nanios žoncy nie mienš za 35 udaraŭ rukami, nahami i tupymi pradmietami. Kala 12 udaraŭ pryjšlisia pa hałavie.
Žančyna pamierła ad atrymanych traŭmaŭ.
Na momant zabojstva termin jaje ciažarnaści składaŭ nie mienš za dziesiać tydniaŭ. Śledstva ŭstanaviła, što abvinavačany viedaŭ pra ciažarnaść žonki.
Trahiedyja z 30‑hadovaj doktarkaj sa Starobina — pajšła vydalać zub mudraści i pamierła24
Kamientary
Ci milicyi niekali hetym zajmacca. Tre lekaraŭ, studentaŭ, inžynieraŭ, prahramistaŭ i hd za łajki chapać dy ŭ turmy kidać.