Amierykanski bok na sustrečy ŭ Osła pasprabuje pierakanać prezidenta Ukrainy Uładzimira Zialenskaha pahadzicca na terytaryjalnyja sastupki dziela pahadnieńnia z Rasijaj. Pra heta piša The New York Times.
Prezident ZŠA Donald Tramp usio bolš rašuča maje namier naviazać Zialenskamu ździełku. ZŠA chočuć patłumačyć ukrainskamu lidaru, što ŭtrymlivać terytoryi nie varta. Bolš za toje, Ukraina taksama zmoža «zarabić», kali admovicca ad piarečańniaŭ suprać pahadnieńnia.
Pamočniki Trampa nazyvajuć ciapierašni momant pierałomnym i nastojvajuć, što Zialenski pavinien dakazać hatoŭnaść damaŭlacca z Rasijaj, navat kali heta aznačaje admovu ad terytoryi.
«Mienavita takim budzie amierykanskaje pasłańnie Zialenskamu ŭ aŭtorak u Osła», — piša NYT.
20 kastryčnika z ukrainskim prezidentam sustreniecca śpiecpasłańnik Trampa Styŭ Uitkaf. Ziać prezidenta ZŠA Džared Kušnier dałučycca dystancyjna, bo zachvareŭ. U abmierkavańni taksama voźmuć udzieł premjer Narviehii Jonas Har Ściore i prezident Finlandyi Alaksandr Stub. Paśla pieramovaŭ u Osła Uitkaf maje namier pajechać u Maskvu.
Pavodle danych Axios, pierad pajezdkaj amierykanskija pierahavorščyki padali Trampu abnoŭleny płan urehulavańnia i atrymali ad jaho instrukcyi. U Osła taksama čakajucca pradstaŭniki hrupy E4, kudy ŭvachodziać Vialikabrytanija, Hiermanija, Francyja i Polšča, Jeŭrasajuza i NATA.
Ciapier čytajuć
«Paśla pieršaha zabojstva ź im raźviałasia žonka». Što viadoma pra šmatdzietnaha Siarhieja sa Stolinskaha rajona, jaki paśla vyzvaleńnia z kałonii zabiŭ troch čałaviek33
Kamientary
Addajcie jamu, Hitleru, Sudiety i jen paabiacaje bolš nikoli ni na kaho nie napadać.
Addajcie złačyncu ŭsie toje što jen zapisaŭ u svaju kanstytucyju, zadavolcie ŭsie jaho chacieli i tady, moža być, my (tyja chto kapituluje pierad ahresaram) dadzim vam niejkija tam harantyi jakija nikoli nie budziem vykonvać.