U Minsku źjavilisia kantejniery dla niepatrebnaha adzieńnia i abutku. Dzie jany stajać
Zdać možna budzie adzieńnie, ručniki, koŭdry, paścielnuju bializnu i abutak.
U Minsku pačali ŭstaloŭvać kantejniery dla zboru staroha adzieńnia, chatniaha tekstylu i abutku. Da kanca 2026 hoda ŭ stalicy płanujuć raźmiaścić 50 takich jomistaściaŭ, a ŭ nastupnym hodzie jany pavinny źjavicca va ŭsich rajonach horada. Prajektam zajmajecca kampanija «Remondzis Minsk», piša Onliner.by.
Pieršyja čatyry kantejniery ŭžo dastupnyja pa adrasach: vulica Kasmanaŭtaŭ, 33; vulica Lidskaja, 14; vulica Kuncaŭščyna, 17; praśpiekt Puškina, 156. Kampanija maje namier papaŭniać sietku novymi punktami kožny tydzień.
Da kanca hoda kantejniery pastaviać u Maskoŭskim, Frunzienskim i Kastryčnickim rajonach.
Zdać možna budzie adzieńnie, ručniki, koŭdry, paścielnuju bializnu i abutak. Pry hetym rečy pavinny być čystymi i suchimi. Pierad tym jak apuścić ich u kantejnier, treba spakavać tekstyl u płastykavy pakiet.
Sabranyja rečy buduć vyvozić śpiecyjalnymi aŭtamabilami i dastaŭlać na asobnuju liniju sartavańnia. Tekstyl padzielać pa typu tkaniny i składzie vałoknaŭ. Prydatnyja dla dalejšaha vykarystańnia rečy zmohuć atrymać druhoje žyćcio, a nieprydatnyja płanujuć pierapracoŭvać u abciralnuju vietach. Reštki buduć vykarystoŭvać dla vytvorčaści RDF-paliva.
Kantejniery možna budzie paznać pa afarmleńni z vyjavaj huzika z čatyrma adtulinami. Ich płanujuć raźmiaščać u miescach ź vialikim patokam ludziej, asobna ad placovak dla bytavych adchodaŭ.
Ciapier čytajuć
Cichanoŭski: Cichanoŭskaj možna było ŭ 2020‑m nie pabajacca turmy. I, moža, u biełarusaŭ byŭ by šaniec104
Kamientary