Jaho nazvali «sijanisckim komikam»i abvinavacili ŭ padtrymcy Izraila.
Hałkin pavinien byŭ vystupić u Stambule 25 kastryčnika. Tureckija ŚMI i aktyvisty patrabavali admianić kancert, abvinavačvajučy humarysta ŭ apraŭdańni dziejańniaŭ Izraila ŭ Hazie. Pavodle arhanizataraŭ, miascovyja ŭłady zabaranili vystupleńnie, spasłaŭšysia na hramadski paradak i biaśpieku.
Kancert musiŭ adbycca ŭ Istanbul Congress Center. Zajavu arhanizataraŭ pra admienu Hałkin apublikavaŭ u instahramie.
«Pryčynaj admieny stała aficyjnaje rašeńnie administracyi hubiernatara Stambuła, jakoje zabaraniaje praviadzieńnie mierapryjemstva ź mierkavańniaŭ hramadskaha paradku i biaśpieki», — havorycca ŭ zajavie.
Za niekalki dzion da kancerta tureckaja hazieta Yeni Şafak napisała, što Hałkin «apraŭdvaje dziejańni Izraila ŭ Hazie», nazyvajučy ich «samaabaronaj». U paviedamleńni pra admienu vystupleńnia hazieta nazvała jaho «sijanisckim komikam».
Takuju ž charaktarystyku vykarystoŭvali i inšyja tureckija vydańni, piša «Mieduza».
Maksim Hałkin vystupiŭ z rezkaj krytykaj rasijskich uładaŭ u pieršy ž dzień poŭnamaštabnaha ŭvarvańnia va Ukrainu — 24 lutaha 2022 hoda, napisaŭšy: «Nie moža być apraŭdańniaŭ vajnie! Nie vajnie!» U sakaviku 2022 hoda razam z žonkaj Ałaj Puhačovaj i dziećmi jon vyjechaŭ z Rasii ŭ Izrail. Paśla adjezdu artyst praciahvaje publična asudžać udary pa ŭkrainskich haradach i pieraličvaje častku zaroblenych hrošaj na dapamohu ŭkrainskim biežancam.
Ciapier čytajuć
«Paśla pieršaha zabojstva ź im raźviałasia žonka». Što viadoma pra šmatdzietnaha Siarhieja sa Stolinskaha rajona, jaki paśla vyzvaleńnia z kałonii zabiŭ troch čałaviek33
Kamientary
Što zrobić musulmanin, kali zaŭvažyć doŭhuju čarhu? Vybuchnie!