Byłuju rezidencyju Hitlera «Arlinaje hniazdo» adnoviać paśla pažaru
Da ŭzharańnia heta miesca ŭ harach — ciapier tam pracuje restaran — štohod naviedvali kala 300 tysiač čałaviek.
U Bavaryi majuć namier adnavić Kielštajnchaŭs — histaryčny budynak, viadomy jak «čajny domik Hitlera», jaki dniami surjozna paciarpieŭ ad pažaru. Ułady zajavili, što abjekt byŭ dobra zastrachavany, adnak adnaŭleńnie patrabuje času, piša Bild.
Pažar uspychnuŭ u piatnicu ŭviečary. Z-za śniehu, lodu i jedkaha dymu pažarnym daviałosia pracavać u vielmi składanych umovach.
Ministr unutranych spraŭ Bavaryi Joachim Chierman paćvierdziŭ namier adnavić budynak. Kielštajnchaŭs pabudavali ŭ 1937—1938 hadach jak pradstaŭničuju rezidencyju nacysckaha kiraŭnictva. Sam Adolf Hitler byvaŭ tam redka. Z 1952 hoda budynak pracuje jak restaran.
Pa padazreńni ŭ padpale zatrymali 33‑hadovaha mužčynu. Jaho spynili na hornaj darozie niepadalok ad budynka ŭ noč na subotu: matacyklist jechaŭ biez numarnoha znaka i, pa paviedamleńniach ŚMI, sprabavaŭ schavacca. Mužčyna žyvie ŭ Bierlinie.
Śledstva praviaraje mahčymyja matyvy. Papiaredniaje zaklučeńnie ekśpierta pakazvaje na prykmiety vierahodnaha psichičnaha zachvorvańnia. Sud rasparadziŭsia časova źmiaścić padazravanaha ŭ śpiecyjalizavanuju psichijatryčnuju ŭstanovu. Pry hetym palicyja nie vyklučaje palityčny matyŭ, źviazany z historyjaj budynka.
Ciapier čytajuć
«Paśla pieršaha zabojstva ź im raźviałasia žonka». Što viadoma pra šmatdzietnaha Siarhieja sa Stolinskaha rajona, jaki paśla vyzvaleńnia z kałonii zabiŭ troch čałaviek33
Kamientary