Vakoł rezidencyi Pucina pastavili jašče 16 viežaŭ SPA — ahułam ich užo bolš za 50
U rezidencyi na Vałdai, aproč Pucina, šmat času pravodzić Alina Kabajeva, jakuju nazyvajuć maci jaho dvuch synoŭ.
U radyusie 50 kiłamietraŭ ad rezidencyi Pucina na Vałdai pabudavali jašče adno kalco ź viežaŭ SPA. Jano prachodzić praź jaho «zapasny aeradrom» u Chaciłavie i sakretnuju bijałabaratoryju na vostravie Lisi.
Viežy pastavili na poŭdzień ad rezidencyi, vyśvietlili «Radyjo Svaboda» i OSINT-analityk, jaki piša ŭ sacsietcy Ch pad nikam @jembobineuse. Na ich, imavierna, buduć raźmieščany zienitna-rakietnyja kompleksy «Pancyr» abo «Tor».
Adna ź viežaŭ hetaha «źniešniaha kalca» była pabudavanaja jašče ŭ sakaviku 2026 hoda, na terytoryi vajskovaj vabazy Chaciłava, jakoj rehularna karystajecca Pucin i adkul da rezidencyi na Vałdai možna dabracca ciahnikom pa śpiecyjalna zbudavanaj dla hetaha čyhunačnaj halincy.
Jašče niekalki pazicyj SPA hetaha kalca byli zbudavanyja na bierazie Vyšniavałockaha vadaschovišča, pasiarod jakoha na vostravie Lisi rasijskija vajennyja pabudavali novy łabaratorny kompleks, mierkavana źviazany z rasijskaj prahramaj bijałahičnaj zbroi.
U rezidencyi na Vałdai, aproč Pucina, šmat času pravodzić Alina Kabajeva, jakuju nazyvajuć maci jaho dvuch synoŭ.
Usiaho vakoł Vałdaja ciapier naličvajecca bolš za 50 pazicyj SPA — usiaho ŭdvaja mienš, čym było pabudavana paśla pačatku paŭnamaštabnaha ŭvarvańnia Rasii va Ukrainu ŭ Maskvie i Maskoŭskaj vobłaści ź ich nasielnictvam bolš čym 20 miljonaŭ čałaviek. U Vałdai i Vałdajskim rajonie, a taksama ŭ radyusie 50 kiłamietraŭ pražyvaje mienš za 100 tysiač čałaviek.
Ciapier čytajuć
Cichanoŭski: Cichanoŭskaj možna było ŭ 2020‑m nie pabajacca turmy. I, moža, u biełarusaŭ byŭ by šaniec121
Kamientary