U kiraŭnicy fondu «Innapraktyka», małodšaj aficyjnaj dački Kaciaryny Cichanavaj i baletmajstra Ihara Zialenskaha jość vaśmihadovaja dačka pa imieni Elza (naradziłasia ŭ śniežni 2017 hoda).
Joj dali proźvišča maci, jakaja žyvie pad vydumanym proźviščam Cichanava. «Prajekt» vyśvietliŭ heta padčas analizu bazy Fiederalnaj pahraničnaj słužby, jakaja trapiła ŭ adkryty dostup, piša «Ahienctva».
Imia dziaŭčynki supadaje ź imiem hieraini halivudskaha multfilma «Chałodnaje serca» — pryncesaj Elzaj.
Dačka Pucina Kaciaryna Cichanava viadomaja svajoj luboŭju da Halivuda — na viasielli sa svaim pieršym mužam Kiryłam Šamałavym jana vykonvała kampazicyju pryncesy z amierykanskaha multfilma «Anastasija».
Prezident Rasii chavaje členaŭ svajoj siamji, tamu jany žyvuć pad inšymi proźviščami, čaściakom — niezvyčajnymi.
Jaho syny ad Aliny Kabajevaj atrymali imiony Ivan i Uładzimir Śpirydonavy (dzieda prezidenta zvali Śpirydonam). Pazašlubnaja dačka Pucina ad adnosin sa Śviatłanaj Kryvanohich nosić imia Łuiza Rozava.
Ciapier čytajuć
«Čamu my pavinny niejak uščemlivać siabie?». Dyrektarka RTBD patłumačyła, čamu pastaviła śpiektakl pavodle Puškina ŭ adnym z apošnich teatraŭ krainy, jaki pracavaŭ pa-biełarusku3
Kamientary