Jon paradavaŭ vykštałconaj prahramaj i vyklikaŭ palityčnyja intryhi.
Jon paradavaŭ vykštałconaj prahramaj i vyklikaŭ palityčnyja intryhi.
Mižnarodny katalicki fiestyval chryścijanskich filmaŭ i teleprahramaŭ «Mahnifikat», jaki prajšoŭ z 7 pa 11 vieraśnia ŭ Biełarusi, pastaleŭ. Fest adbyŭsia ŭžo ŭ šosty raz. Ale kali raniej jon raspačynaŭsia na Viciebščynie, to ciapier fiestyval pašyryŭ svaju hieahrafiju — i adkryŭsia ŭ stalicy, u Mienskaj archikatedry.
Adkryćcio było prymierkavanaje da jubileju archikatedry.Staličny start pryvabiŭ dypłamataŭ Italii i Polščy, a ŭpaŭnavažany pa spravach relihij i nacyjanalnaściaŭ Leanid Hulaka vystupiŭ ź vinšavańniem.
Paśla adnadzionnaha pakazu ŭ mienskim Čyrvonym kaściole fest viarnuŭsia na Hłyboččynu, dzie šeść hadoŭ tamu j naradziŭsia. Sioletniaja prahrama była najmacniejšaj za ŭsie hady.
Na ekranie — karciny Polščy, Niamieččyny, Aŭstralii, Indyi, Hišpanii, Rasiei, Ukrainy, Charvatyi. Biełaruskija dakumientalnyja stužki «Hałoŭnaja rola» i «Lampa nie haśnie» pra vieru j narkamaniju pakazali, što ŭ krainie źjaviłasia novaja mocnaja i prafiesijnaja studyja — u imia śviatoha Jana Voina.
Ćvikom festu byli filmy ź Italii, jakoj byŭ pryśviečany ceły dzień:«Jon achviaravaŭ svoj duch dziela ludziej — śmierć Pantyfika», «Kaniec śvietu», «Dziońnik hornaha śviatara», «Tajamnicy Facimy». A dzieci ŭ hłybockaj biblijatecy abirali najlepšyja multfilmy pra śviatych i aniołaŭ.
«Mahnifikat» staŭsia zaŭvažnym. Heta pryciahnuła da jaho palityčnuju ŭvahu.
Jak raspavioŭ arhanizatar BCHD Alaksiej Šein, jaki musiŭ pradastavić na feście svaju stužku «Chrystos zabaronieny», pa patrabavańni Leanida Hulaki karcina pra pratestantaŭ-dysidentaŭ, užo ŭklučanaja ŭ katałahi, była źniataja z pakazaŭ.Festu abiacali niepryjemnaści, kali film projdzie. Inšuju karcinu — łatvijskuju stužku «Pskoŭskaja duchoŭnaja misija» pra relihijnaje žyćcio padčas nacysckaj akupacyi — paprasiła źniać sama režysiorka.
Ale intryhi — niepaźbiežnaja častka festaŭ, što mocna stajać na nahach. I, niahledziačy na šaścihadovy ŭzrost, «Mahnifikat» — užo nie dzicia.
Hran-pry sioletniaha kinafestu atrymaŭ film Stefana Savieryjoni «Dziońnik hornaha śviatara». Najlepšaj teleprahramaj pryznanaja «Błakadnaja viera» z Rasiei. Najlepšym dakumientalnym filmam stałasia hruzinskaja stužka Rołanda Barašvili «Prytułak» — pra dom sastarełych.
A dzieci addali pieravahu animacyjnym karcinam z Rasiei — «Pra Vasila Bažavolnaha» i «Pra źviaroŭ i ludziej».
Ciapier čytajuć
HUBAZiK vykłaŭ dyskredytujučaje fota zatrymanaha, jaki «prapahandavaŭ nacyzm». Ale na zdymku skandalny Z-błohier3
Kamientary