Rada AAN asudziła parušeńni pravoŭ čałavieka ŭ Biełarusi
Suprać pryniaćcia rezalucyi hałasavali Rasija, Kitaj, Kuba, Ekvador i Nihieryja.
Rada AAN pa pytańniach pravoŭ čałavieka asudziła ŭ piatnicu ŭłady Biełarusi za represii ŭ adnosinach da apazicyi. Adpaviednaja rezalucyja pryniataja 21 hołasam. Pry hetym 5 krainaŭ prahałasavali «suprać», 19 ustrymalisia.
Rezalucyja «asudžaje parušeńni pravoŭ čałavieka», što zdarylisia pierad, u časie i paśla prezidenckich vybaraŭ u Biełarusi.
Rada AAN źviarnułasia z prośbaju da viarchoŭnaj kamisarki AAN pa pytańniach pravoŭ čałavieka Navi Piłej sačyć za situacyjaj u Biełarusi i zrabić acenku stanu rečaŭ na pasiedžańni rady ŭ vieraśni.
Aficyjny Minsk chucieńka adhuknuŭsia na rezalucyju. MZS Biełarusi asudziŭ jaje, nazvaŭšy «palityčna matyvavanaj i nieabhruntavanaj», a taksama zajaviŭ, što rezalucyja «budzie mieć destruktyŭnyja nastupstvy dla Rady pa pytańniach pravoŭ čałavieka i pravaabarončych struktur AAN u cełym».
Suprać pryniaćcia rezalucyi hałasavali Rasija, Kitaj, Kuba, Ekvador i Nihieryja.
Trahiedyja z 30‑hadovaj doktarkaj sa Starobina — pajšła vydalać zub mudraści i pamierła24
Kamientary