Гісторыя1010

Маргарэт Тэтчэр. Правілы жыцця

Не скажу, што мне пашанцавала. Проста я заслужыла гэта.

Як правіла, мне дастаткова дзесяці секундаў, каб скласці меркаванне пра мужчыну, і потым яно рэдка мяняецца.

Усім у сваім жыцці я абавязаная майму бацьку, і гэта надзвычай цікава, бо тыя рэчы, якія я засвоіла ў сваім маленькім гарадку, у вельмі сціплай сям’і, — гэта менавіта тыя рэчы, якія, як мне здаецца, дапамаглі перамагчы на ​​выбарах.

Калі тыя, хто мяне крытыкуе, убачылі, як я крочу па вадзе Тэмзы, яны сказалі б: гэта таму, што яна не ўмее плаваць.

Па мне, кансэнсус — гэта працэс адмовы ад сваіх перакананняў, прынцыпаў, каштоўнасцей і стратэгій. Гэта тое, у што ніхто не верыць і з чым ніхто не спрачаецца.

Вядома, банальнасці існуюць. Яны існуюць проста таму, што адлюстроўваюць праўду.

Запал да перамогі палае ў кожным з нас. Воля да перамогі — пытанне трэніроўкі. Спосаб перамогі — пытанне гонару.

Калі я буду выступаць адна супраць сарака васьмі, мне будзе шкада гэтых сарака васьмі.

Амерыка — гэта не новы Ерусалім. Яе не маглі стварыць адны святыя, а калі б і маглі, то наўрад ці яна дамаглася б росквіту.

Хочаш перарэзаць сабе горла? Не прыходзь да мяне на перавязку.

Нюрнбергскі працэс часта абвінавачваюць у тым, што гэта было «правасуддзе пераможцаў». І гэта шчырая праўда — бо так і было задумана.

Хто такі грамадства? Яго няма. Ёсць мужчыны, ёсць жанчыны, і ёсць сем’і.

Лячыць застарэлыя брытанскія хваробы сацыялізмам — гэта як лячыць лейкемію п’яўкамі.

Кожная жанчына, знаёмая з праблемамі вядзення хатняй гаспадаркі, блізкая да таго, каб разумець праблемы кіравання краінай.

Ніхто б не запомніў «добрага самарыцяніна», калі б у яго былі толькі добрыя намеры. У яго таксама былі і грошы.

Калі характар ​​праяўляе жанчына, пра яе кажуць «сука». Калі характар ​​праяўляе мужчына, пра яго кажуць «мужык».

Былы савецкі дысідэнт Уладзімір Букоўскі аднойчы, згадваючы расейскую прымаўку пра тое, што не разбіўшы яйкі, яечні не згатуеш, заўважыў, што бачыў за сваё жыццё шмат пабітых яек, але так і не пакаштаваў яечні.

У сённяшняй Брытаніі «Маркс і Спэнсэр» перамаглі Маркса і Энгельса.

Быць магутнай — гэта як быць сапраўднай лэдзі. Калі вам даводзіцца нагадваць людзям, што вы ёю з’яўляецеся, вы ёю не з’яўляецеся дакладна.

Сёння ў жанчыны ёсць мора магчымасцяў праявіць сябе: некаторыя з нас нават кіруюць краінамі. Але, кажучы праўду, нам больш пасуе рыдыкюль, чым штык.

Усім нам калісьці даводзіцца станавіцца бабулямі.

Каментары10

Цяпер чытаюць

На канцэрт Кадышавай у Мінску ў какошніках прыйшлі нават мужчыны85

На канцэрт Кадышавай у Мінску ў какошніках прыйшлі нават мужчыны

Усе навіны →
Усе навіны

Ва Украіне 14‑гадовая школьніца нарадзіла ад 60‑гадовага мужчыны. Яна кажа, што ён добры бацька, і прасіла не караць яго28

Таксіста і былога ахоўніка «Еўраопта» з Баранавічаў абвінавачваюць па палітычным артыкуле3

УСУ ўдарылі па Крымскім мосце. Рух транспарту спынены15

Турысты накідалі ў фантан Трэві амаль на 200 тысяч еўра менш пасля таго, як падыход да яго зрабілі платным4

Кітайскі маркетплэйс Temu сам прапанаваў беларусцы супрацоўніцтва, але зліўся, калі даведаўся яе грамадзянства13

Мінабароны расказала, як над Беларуссю збіваюць заблукалыя дроны2

З Янам Памедорам Рэуцкім развіталіся ў Варшаве

Канкурэнт Starlink страціў 40 спадарожнікаў: ракета не даляцела да арбіты

Сабаленка адкацілася на трэцяе месца ў сусветным рэйтынгу

больш чытаных навін
больш лайканых навін

На канцэрт Кадышавай у Мінску ў какошніках прыйшлі нават мужчыны85

На канцэрт Кадышавай у Мінску ў какошніках прыйшлі нават мужчыны

Галоўнае
Усе навіны →

Заўвага:

 

 

 

 

Закрыць Паведаміць