Марсаход Curiosity знайшоў у кратары Гейл сведчанні існавання возера з вады, паведамляе NASA.
Навукоўцы мяркуюць, што сабраныя за апошнія два гады звесткі аб складзе глебы ў кратары Гейл сведчаць аб існаванні некалькі дзясяткаў мільёнаў год таму буйнога возера ці ланцуга вадаёмаў на месцы сучаснай гары Шарп.
У складзе глебы навукоўцы знайшлі ў пародзе гары розныя солі, якія маглі быць утвораныя пад уздзеяннем ветру і вады.
Тэарэтычна, клімат на Марсе мільярды год таму быў спрыяльны для існавання шматлікіх азёраў у розных частках планеты.
«Калі нашая гіпотэза ўтварэння гары Шарп пацвердзіцца, гэта паставіць пад сумнеў сцверджанне аб тым, што цёплыя і вільготныя ўмовы былі непастаяннымі і назіраліся толькі ў асобных частках Марса ці толькі пад зямлёй», — кажа навуковец праекту Curiosity Эшвін Васавада. Ён дадае, што атмасфера Марса магла глабальна падтрымліваць тэмпературу вышэй за нуль па Цэльсіі.
У выніку работы марсахода Curiosity навукоўцы вызначылі, што раней на Марск былі спрыяльныя ўмовы для існавання простых мікраарганізмаў. Аналіз пародаў пацвердзіў, што некалі на планеце была вада і дастатковая колькасць рэчываў, неабходных для развіцця бактэрый.
Даследчыкі Марса мяркуюць, што марсіянская атмасфера некалі была значна больш шчыльнай, але большая частка паветра знікла прыблізна 4 мільярды год таму.
-
Навукоўцы знайшлі незвычайныя формы жыцця ў самых глыбінях акіяна. Раней думалі, што там увогуле ніхто не жыве
-
Сэрвіс, які дазваляе дзяўчатам абменьвацца звесткамі пра мужчын, стаў самым папулярным у ЗША. Але нешта пайшло не так
-
Шэлег: Беларускія лекі нічым не адрозніваюцца ад старых прэпаратаў буйных фармацэўтычных кампаній
Стала вядома, дзе працуе фаварытка Лукашэнкі Уладлена Зайцава19
Каментары