Marsachod Curiosity znajšoŭ u kratary Hiejł śviedčańni isnavańnia voziera z vady, paviedamlaje NASA.
Navukoŭcy miarkujuć, što sabranyja za apošnija dva hady źviestki ab składzie hleby ŭ kratary Hiejł śviedčać ab isnavańni niekalki dziasiatkaŭ miljonaŭ hod tamu bujnoha voziera ci łancuha vadajomaŭ na miescy sučasnaj hary Šarp.
U składzie hleby navukoŭcy znajšli ŭ parodzie hary roznyja soli, jakija mahli być utvoranyja pad uździejańniem vietru i vady.
Tearetyčna, klimat na Marsie miljardy hod tamu byŭ spryjalny dla isnavańnia šmatlikich azioraŭ u roznych častkach płaniety.
«Kali našaja hipoteza ŭtvareńnia hary Šarp paćvierdzicca, heta pastavić pad sumnieŭ śćvierdžańnie ab tym, što ciopłyja i vilhotnyja ŭmovy byli niepastajannymi i naziralisia tolki ŭ asobnych častkach Marsa ci tolki pad ziamloj», — kaža navukoviec prajektu Curiosity Ešvin Vasavada. Jon dadaje, što atmaśfiera Marsa mahła hłabalna padtrymlivać tempieraturu vyšej za nul pa Celsii.
U vyniku raboty marsachoda Curiosity navukoŭcy vyznačyli, što raniej na Marsk byli spryjalnyja ŭmovy dla isnavańnia prostych mikraarhanizmaŭ. Analiz parodaŭ paćvierdziŭ, što niekali na płaniecie była vada i dastatkovaja kolkaść rečyvaŭ, nieabchodnych dla raźvićcia bakteryj.
Daśledčyki Marsa miarkujuć, što marsijanskaja atmaśfiera niekali była značna bolš ščylnaj, ale bolšaja častka pavietra źnikła pryblizna 4 miljardy hod tamu.
-
Pad mierkavanym miescam pachavańnia Isusa raskryli 2000‑hadovuju tajamnicu, jakaja supadaje ź biblejskim apisańniem
-
U śviecie jość mieduza, jakaja moža žyć viečna
-
NASA zapłaciła startapu $30 miljonaŭ, kab uratavać teleskop Swift. Ciapier aparat, jaki dvaccać hadoŭ naziraŭ za hibiellu zorak, sam zharyć u atmaśfiery
Kamientary