Што пра гэта думаеце вы?
Азербайджанец быў уражаны тым, што ў пашпартным стале ў Мінску адмовіліся ўзяць шакаладку ў аддзяку
Азербайджанскі журналіст Маўсун Гаджыеў атрымліваў дазвол на жыхарства ў Беларусі. У пашпартным стале з ім абышліся зычліва. У аддзяку ён прынёс шакаладку. Жанчына катэгарычна адмовілася яе ўзяць.
«Адрозненне нораваў, — піша ён. — Супрацоўніца, якая была да гэтага падкрэслена мілай, адразу змянілася ў твары. «Прыміце гэта, каб я гэтага не бачыла».
Аддаю дакументы, іду да начальніка АГІМа.
«Дапамажыце мне вашай супрацоўніцы перадаць гэта. У нас гэта нацыянальная традыцыя. Падсаладзіць справу. Шырынлік называецца».
«У нас іншыя традыцыі. У беларусаў за гэта садзяць».
«За шакаладку?!»
«За шакаладку».
«Барацьба з карупцыяй гэта добра. Але перагін гэта дрэнна нават у гэтым», — мяркуе Гаджыеў.
А што пра гэта думаеце вы?
Цяпер чытаюць
У дзень, калі памілавалі палітвязня Дароніна, ягонай жонцы прысудзілі 8,5 гадоў калоніі за ўдзел у дваровым чаце6
Каментары