Свет1818

У Аўстрыі знясуць дом, дзе нарадзіўся Адольф Гітлер

Аўстрыйскі ўрад хоча знесці трохпавярховы будынак на вуліцы Зальцбургер-Фарштат ў горадзе Браўнаў-ам-Ін, бо яно служыць месцам паломніцтва для неанацыстаў.

AFP

Будучыня дома актыўна абмяркоўваецца ў Аўстрыі ў апошнія гады. Адна частка грамадства выступае за знос пабудовы, другая лічыць, што трэба пакінуць будынак і знайсці яму прымяненне.

Але, як заявіў міністр унутраных спраў Аўстрыі Вольфганг Саботка, група экспертаў вырашыла, што дом неабходна знесці, піша газета Die Presse. Ад яго застанецца толькі падмурак.

Сёння на доме або побач з ім няма ніякіх згадак пра тое, што ў ім нарадзіўся Гітлер. Ля ўваходу ў будынак ўстаноўленая мемарыяльная дошка з надпісам: «За мір, свабоду і дэмакратыю. Не фашызму. Мільёны загінулых нагадваюць нам пра гэта». Імя Гітлера там не згадваецца.

На месцы знесенага дома пабудуюць новы будынак, у якім будуць размешчаныя адміністрацыйныя структуры або дабрачынная арганізацыя.

Дом, у якім нарадзіўся Гітлер, быў прадметам судовай спрэчкі на працягу некалькіх гадоў. Аўстрыйскі ўрад арандаваў будынак у яго ўласніцы з 1972 года.

У ім знаходзіўся цэнтр для людзей з абмежаванымі магчымасцямі. У апошнія гады кошт арэнды складаў 4,8 тыс. еўра ў месяц.

Уладальніца адмаўлялася прадаваць дом уладам і нават не дазваляла зрабіць у ім капітальны рамонт. У сувязі з гэтым з 2011 года будынак пуставаў. У выніку дэпутаты вырашылі прыняць закон, які дазволіць ім прымусова канфіскаваць будынак і выплаціць уласніцы кампенсацыю.

«За апошнія гады мы прыйшлі да высновы, што экспрапрыяцыя — адзіны спосаб пазбегнуць таго, каб гэты дом выкарыстоўваўся прыхільнікамі нацыстаў [як месца для пакланення]», — заяўляў раней прэс-сакратар міністэрства ўнутраных спраў Аўстрыі Карл-Хайнц Грундбек.

Бацькі Гітлера пражылі ў доме на Зальцбургер-Фарштат ўсяго тры тыдні, а потым пераехалі. Калі Гітлеру было тры гады, сям'я з'ехала з Браўнаў-ам-Ін.

Каментары18

Цяпер чытаюць

Пуцін патлумачыў, чаму вайна з Украінай не пачалася ў 2014 годзе11

Пуцін патлумачыў, чаму вайна з Украінай не пачалася ў 2014 годзе

Усе навіны →
Усе навіны

Новая мікрахвалевая сістэма абясшкоджвае раі дронаў за секунды6

«Голас Амерыкі» можа аднавіць вяшчанне на наступным тыдні1

Брухан пацвердзіў, што пойдзе ў спікеры Каардынацыйнай рады ад фракцыі Латушкі10

Памятаеце пару студэнткі і выкладчыка, дзе ён старэйшы на 31 год? Аказваецца, ён быў святаром, а яна вучылася на рэгентку31

Серб Вучыч і славак Фіца раптоўна прыхварэлі. Іх удзел у парадзе ў Маскве пад пытаннем10

Зяленскі: Украіна не можа гарантаваць бяспеку сусветных лідараў, якія прыедуць у Маскву на парад 9 мая19

Над Чорным морам драматычна збілі расійскі самалёт Су-308

Беларус трапіў у рабства ў Дагестане. Калі ўцёк, трапіў на вайну — а цяпер ва ўкраінскі палон7

Беларус прывёз у Бразілію сала, каўбасу і жукоў у сотах мёду4

больш чытаных навін
больш лайканых навін

Пуцін патлумачыў, чаму вайна з Украінай не пачалася ў 2014 годзе11

Пуцін патлумачыў, чаму вайна з Украінай не пачалася ў 2014 годзе

Галоўнае
Усе навіны →

Заўвага:

 

 

 

 

Закрыць Паведаміць