Аўтар НН Антон Лявіцкі атрымаў прэмію Кангрэсу даследчыкаў Беларусі ў Варшаве
Увечары 16 верасня на Кангрэсе даследчыкаў Беларусі, які ідзе ў Варшаве, уручалі прэміі за найлепшыя працы.
У намінацыі «Найлепшая магістарская праца» быў уганараваны пастаянны аўтар «НН», гісторык Антон Лявіцкі. Яго даследаванне называлася «Праблема беларускай дзяржаўнасці ў савецкай гістарыяграфіі (1953—1985)».
Павіншаваць пераможцаў сабралася цэлая зала, многія слухалі стоячы. Гучала шмат цёплых словаў, добразычлівых жартаў, прыемных успамінаў і жыццёвых гісторый, гучных апладысментаў — атмасфера была надзвычай цёплай.
Ніжэй падаём спіс работ, якія сёлета прызналі найлепшымі:
Гісторыя
Манаграфіі. Алена Маркава — «Шлях да савецкай нацыі. Палітыка беларусізацыі 1924-1929»
Артыкулы. Наталля Гардзіенка — «Могілкі як частка мемарыяльнай культуры беларускай эміграцыі»
Артыкулы. Алесь Пагарэлы — «Вобраз горада ў дыскурсе беларускага хрысціянска-дэмакратычнага перыядычнага друку ў міжваенны час»
Гуманітарныя навукі
Манаграфіі. Прэмія імя Зоры Кіпель. Андрэй Масквін — «Беларускі тэатр 1920-30-х: адабраная памяць»
Артыкулы. Ганна Міхальчук — «Новы спіс агульнадзяржаўнага летапісання Вялікага Княства Літоўскага, Рускага і Жамойцкага і яго суадносіны з «Хронікай Быхаўца»»
Дарэчы, сёлетні Кангрэс — першы, на які Ганна не змагла прыехаць.
Сацыяльна-палітычныя навукі
Манаграфіі. Алена Гапава — «Класы нацый: фемінісцкая крытыка нацыябудаўніцтва»
Ганаровая Прэмія за нямецкамоўную манаграфію
Hermann Bider — Edition und Kommentar: Anton Luckevič. Belaruskaja hramatyka.
Прэмія за найлепшую бакалаўрскую працу
Аліна Громава — «Выкарыстанне спадчыны нацысцкіх канцэнтрацыйных лагераў у развіцці цёмнага турызму (на прыкладзе Германіі і Беларусі)»
Прэмія за найлепшую творчую працу
Ксенія Шталянкова — «Распрацоўка буктрэйлераў да рамана-трылогіі «Адваротны бок люстра»».
Цяпер чытаюць
Новая аблава: затрымалі дзясяткі сваякоў палітвязняў і тых, хто ім дапамагаў — што вядома19
Каментары