Люксембург стане першай дзяржавай Еўропы, дзе цалкам легалізуюць марыхуану, піша Guardian.
У міністэрстве аховы здароўя краіны заявілі, што забарона канабісу больш не з'яўляецца актуальнай палітыкай і таму патрабуе перагляду. У міністэрстве заклікалі суседнія краіны Еўрасаюза таксама прыняць рашэнне аб легалізацыі, бо статус забароненага рэчыва падагравае цікавасць моладзі. У Люксембургу заканадаўчыя змены ўступяць у сілу на працягу двух гадоў.
Купля марыхуаны будзе дазволена ўсім паўналетнім падданым краіны і не будзе распаўсюджвацца на замежнікаў.
Медыцынскае выкарыстанне марыхуаны і прэпаратаў на яе аснове дазволена ў Чэхіі, Польшчы, Харватыі, шэрагу рэгіёнаў Італіі і некаторых іншых краінах. У Нідэрландах у многіх выпадках ужыванне канабісу не лічыцца злачынствам, хоць заканадаўча марыхуана там цалкам не легалізаваная.
Цалкам жа легалізавалі марыхуану Канада і Уругвай.
Цяпер чытаюць
«Галандскі архітэктар», які адбудаваў Вострую браму і паставіў сабе дом-крэпасць у Гайцюнішках, аказаўся ніякім не галандцам. Але яго спадчына захапляе1010
Каментары