Беларускі гурт падчас амерыканскага тура даў 113 канцэртаў за 73 дні. Паглядзіце іх жывы выступ ВІДЭА
Гурт «Стары Ольса» летась адсвяткаваў сваё 20-годдзе. У студыі аўтарскай праграмы Сяргея Будкіна Belsat Music Live у фармаце Premium музыкі з гэтай нагоды падрыхтавалі сюрпрызы, якія паказалі разам з этапнымі творамі.
У мінулым годзе фолк-калектыў у пяты раз гастраліраваў па ЗША, дзе даў 113 канцэртаў за 73 дні. Часам прыходзілася выступаць па пяць разоў на дзень. У размове з Мірай Шульц удзельнікі «Старога Ольсы» распавялі пра свае амерыканскія прыгоды, а таксама згадалі самыя цікавыя і нечаканыя факты з гісторыі сваёй каманды.
Таксама, акрамя сваіх вядомых хітоў і прэм’ер, для гледачоў Belsat Music Live «Стары Ольса» падрыхтаваў парачку сюрпрызаў: жывое выкананне песні One гурта Metallica, відэа якога на YouTube мае больш за 3,5 мільёны праглядаў, а таксама новы кавер — Zombie вядомага ірландскага гурта The Cranberries.
Belsat Music Live — гэта аўтарскі праект Сяргея Будкіна. Штотыдзень на тэлеканале «Белсат» айчынныя і замежныя музыкі граюць ужывую ў студыі, а таксама размаўляюць з вядучымі пра сваю творчасць.
Каментары