Апублікаваная зводка МНС з лічбай інфіцыраваных каранавірусам у кожнай з абласцей
Папярэднія звесткі Міздароўя пра колькасць інфіцыраваных каранавірусам, апублікаваныя 1 красавіка, змяшчалі інфармацыю пра 215 чалавек (плюс памерлых).
Гэта была інфармацыя па стане на 0:01 1 красавіка.
Тэлеграм-канал Nexta апублікаваў зводку МНС, якая ўдакладняе звесткі Мінздароўя. У ёй указваецца колькасць хворых на каранавірус па рэгіёнах:
- Мінск — 102,
- Віцебская вобласць — 66,
- Мінская вобласць — 33,
- Гомельская вобласць — 9,
- Гродзенская вобласць — 4,
- Магілёўская вобласць — 1,
- Брэсцкая вобласць — 0.
Яшчэ раз падкрэслім, што дадзеная зводка змяшчае звесткі па стане на канец дня 31 сакавіка.
На працягу 1 красавіка колькасць выпадкаў павялічылася. Так, структуры Мінздароўя распаўсюдзілі інфармацыю пра выяўленне хворага на Брэстчыне.
Паводле інфармацыі «Нашай Нівы», атрыманай з розных крыніц, за 1 красавіка колькасць захварэлых у Мінску вырасла са 102 да 158 чалавек. Звестак з іншых абласцей па стане на 1 красавіка мы пакуль не маем.
Цяпер чытаюць
«Казаў, што знішчыць мяне, бо ў яго сувязі і пагоны». Былая жонка ваюе з падпалкоўнікам. Таго панізілі да ўчастковага6
Каментары