Актрыса Купалаўскага тэатра Вольга Няфёдава ў эфіры АНТ выказалася аб сыходзе сваіх калег з тэатра.
«Калі гэтыя падзеі пачалі адбывацца ў нашым Купалаўскім тэатры, першай рэакцыяй у мяне была збянтэжанасць: «Як так можна?» Зразумела, былі слёзы. Я не магла знайсці тлумачэння і апраўдання таго, што адбываецца і як можна сысці з тэатра, — распавяла актрыса. — Вельмі многія ахвяравалі нейкімі аспектамі свайго жыцця, каб іграць на сцэне. Акцёрам быць не так проста, як здаецца. Ты павінен прыкласці велізарныя намаганні, каб даказаць, што маеш права быць на сцэне. І раптам, прайшоўшы нейкія моманты, ты адмаўляешся ад сваёй прафесіі, прыкрываючыся быццам бы добрымі намерамі, якімі выслана дарога…»
Зараз у тэатры засталося каля 200 чалавек, практычна ўсе яны — тэхнічныя спецыялісты: мантажоры сцэны, касцюмеры, грымёры, асвятляльнікі, прыбіральшчыкі. Яны сталі закладнікамі сітуацыі, якая склалася. На думку Вольгі Няфедавай, яе былыя калегі па сцэне проста не падумалі пра ўвесь калектыў, прыняўшы рашэнне пакінуць тэатр.
«Вы кінулі сваіх, вы кінулі старых. Ніхто не падумаў, што для Генадзя Аўсяннікава, які перажыў некалькі інфарктаў, тэатр — гэта як для нас паветра. Ён жыве тым, што прыходзіць на сцэну. Я згадала інтэрв'ю маёй калегі: «Я баюся за гледачоў, якія будуць вяртацца пасля спектакля». Прыгожа гучыць. А вы не пабаяліся за жыццё Генадзя Сцяпанавіча?» — актрыса звярнулася да сваіх калег.
«Няўжо вы думаеце, што вы настолькі таленавітыя, падобна багам на Алімпе? Не. Калі вы вырашылі ісці ў рэвалюцыю, то абавязаны былі вярнуць гэтай дзяржаве ўсё, што вам давалася. І тады б вы былі сумленнымі», — падкрэсліла актрыса.
Цяпер чытаюць
Коўл Лукашэнку: Табе трэба быць больш асцярожным, за сталом кепскіх пацаноў застаўся адзін ты27
Коўл Лукашэнку: Табе трэба быць больш асцярожным, за сталом кепскіх пацаноў застаўся адзін ты
Часам нечаканая гісторыя беларускіх гімнаў: «Мы выйдзем шчыльнымі радамі», «Пагоня», «Жыве Беларусь», «Радзіма мая дарагая», «Магутны Божа» (з ВІДЭА)77
Каментары