Аляксандр Лукашэнка на сустрэчы з прэзідэнтам ІІХФ Рэнэ Фазэлем заявіў, што вельмі спакойна ўспрымае «рухі цела» вакол правядзення чэмпіянату свету ў Беларусі, піша БелТА.
«Адказваючы на галоўнае пытанне, як я ўспрымаю ўсе рухі цела вакол правядзення чэмпіянату свету ў Беларусі, скажу шчыра: вельмі спакойна. Здолее Міжнародная федэрацыя хакея выстаяць супраць несправядлівага ціску — значыць, мы правядзём Чэмпіянат свету. Калі Латвія адмовіцца — мы правядзём чэмпіянат свету ў Беларусі, і гэта будзе найлепшы чэмпіянат свету ў гісторыі. Думаю, ты ў гэтым абсалютна перакананы. Калі Міжнародная федэрацыя хакея не справіцца з ціскам асобных палітычных колаў асобных краін — значыць, не будзе чэмпіянату свету ў Беларусі. Усё залежыць цяпер ад вас.
Я згодны з тваімі словамі, якія ты нядаўна выказаў: спорт павінен аб'ядноўваць народы, а не раз'ядноўваць, і ён павінен быць, наколькі гэта магчыма, па-за палітыкай. У гэтым ключы мы будзем дзейнічаць», — сказаў Лукашэнка.
Цяпер чытаюць
У міліцэйскім конкурсе прыгажосці перамагла амапаўка, якая ў 2020 годе разганяла пратэсты50
Каментары