Пасля бойкі з міліцыянерам памёр вайсковы камісар Рэчыцы. Што вядома на гэты момант?
Уначы 6 чэрвеня ў Асіповічах памёр 38-гадовы Сяргей Плескі, вайсковы камісар Рэчыцкага і Лоеўскага раёнаў.
У камісарыяце «Нашай Ніве» пацвердзілі гэтую інфармацыю.
«Падразбязнасцяў здарэння не маем, вядзецца следства. Яны будуць пазней. Заўтра плануецца пахаванне», — коратка пракаментаваў дзяжурны.
Што вядома пра інцыдэнт?
Плескі адпачываў у рэстаране «Пралеска» ў Асіповічах, дзе ў яго ўзнік канфлікт з 25-гадовым супрацоўнікам органаў унутраных спраў.
Міліцыянер нанёс апаненту ўдар, які прывёў да смерці на месцы здарэння.
СК завёў крымінальную справу па ч.3 арт. 147 (прычыненне цяжкіх цялесных пашкоджанняў, якія прывялі да смерці). Пакаранне — ад 5 да 15 гадоў зняволення.
Вырашаецца пытанне аб меры стрымання для міліцыянера.
У Сяргея застаўся непаўналетні сын.
Каментары