Эканоміка

Амаль 5 мільёнаў рублёў толькі на ваенруках. На чым можа было б сэканоміць бюджэтныя грошы?

Сёння Лукашэнка звязаў будучы падатак на кватэры з каранавіруснымі выдаткамі. «На канец года $2 млрд непрадбачаных выдаткаў, каб ратаваць людзей», — прывёў ён лічбы. «Наша Ніва» сабрала прыклады, на чым можна было б сэканоміць у эпідэмію. Некаторыя графы расходаў вас моцна здзівяць.

Фота kurjer.info.

Шмат грошай пайшло на розныя забаўляльныя і ідэалагічныя мерапрыемствы.

Напрыклад, на беларускі «Х-фактар». Колькі дакладна сышло на здымкі шоу, невядома. Можна падлічыць толькі частку расходаў — а гэта каля 900 тысяч рублёў.

Ганарар Бузавай, па словах яе калегі па журы Саседава, складае каля 200-250 тысяч даляраў. На масоўку з бюджэту было запланавана 57 тысяч рублёў, на аператарскую работу — амаль 80 тысяч, на дэкарацыі — амаль 158 тысяч. 

Святкаванне Дня Незалежнасці сёлета каштавала больш за 670 тысяч рублёў. На галаканцэрт у Мінску пайшло 345 тысяч рублёў, на піратэхнічнае шоу — 265 тысяч. Яшчэ два святочныя канцэрты ў сталіцы абышліся ў 63 тысячы. Гэта без уліку дробных расходаў у раёнах.

На мерапрыемствы да Дня народнага адзінства пайшло не менш за 170 тысяч рублёў. З іх 85 тысяч — на стварэнне выставы, 15 тысяч — на лазернае шоу, амаль 33 тысячы — на канцэрт. Частка сумы была запланавана на працу ідэолагаў.

Усебеларускі народны сход мог абысціся больш як у мільён рублёў. Па падліках «Радыё Свабоды», менавіта столькі спатрэбілася б на падвоз і пражыванне дэлегатаў, культурную праграму. Распрацавалі таксама сайт да Дня народнага адзінства — планавалася, што на гэта пойдзе 143 тысячы рублёў.

На святкаванне «Дажынак», згодна з аб’явамі аб дзяржзакупках, у краіне выдаткавалі не менш за 130 тысяч рублёў.

З пачатку навучальнага года ў школах з’явіліся ваенрукі. Колькі пацягне гэта графа расходаў? У Беларусі 2,5 тысячы школ і гімназій, сярэдні заробак у адукацыі складае 948,5 рубля. Атрымліваецца, на аплату працы ваенрукоў за два месяцы ўжо сышло каля 4,8 мільёна рублёў! 

Таксама сёлета запланавана пералічыць 613,5 мільёна рублёў у рэзервовы фонд прэзідэнта. Цікава, што з 2017 па 2020 год у гэты фонд было накіравана 1,8 мільярда бюджэтных рублёў.

Аляксандр Лукашэнка 19 кастрычніка заявіў, што выдзеліць грошы з рэзервовага фонда прэзідэнта на барацьбу з каранавірусам. Гаворка ішла пра 250 мільёнаў рублёў.

Каментары

Цяпер чытаюць

На канцэрт Кадышавай у Мінску ў какошніках прыйшлі нават мужчыны85

На канцэрт Кадышавай у Мінску ў какошніках прыйшлі нават мужчыны

Усе навіны →
Усе навіны

Дачакалася з войска і паехала з ім у рэйс. Пад Старымі Дарогамі загінула маладая пара з Бабруйска3

Нявестка Ліліі Ананіч стала топ-менеджарам у БелТА — вярнулася на радзіму праз чатыры месяцы пасля эміграцыі ў Кітай24

Ва Украіне 14‑гадовая школьніца нарадзіла ад 60‑гадовага мужчыны. Яна кажа, што ён добры бацька, і прасіла не караць яго28

Таксіста і былога ахоўніка «Еўраопта» з Баранавічаў абвінавачваюць па палітычным артыкуле3

УСУ ўдарылі па Крымскім мосце. Рух транспарту спынены15

Турысты накідалі ў фантан Трэві амаль на 200 тысяч еўра менш пасля таго, як падыход да яго зрабілі платным4

Кітайскі маркетплэйс Temu сам прапанаваў беларусцы супрацоўніцтва, але зліўся, калі даведаўся яе грамадзянства13

Мінабароны расказала, як над Беларуссю збіваюць заблукалыя дроны2

З Янам Памедорам Рэуцкім развіталіся ў Варшаве

больш чытаных навін
больш лайканых навін

На канцэрт Кадышавай у Мінску ў какошніках прыйшлі нават мужчыны85

На канцэрт Кадышавай у Мінску ў какошніках прыйшлі нават мужчыны

Галоўнае
Усе навіны →

Заўвага:

 

 

 

 

Закрыць Паведаміць