Праваабаронцам працягваюць паведамляць пра «палітычныя» затрыманні беларусаў кожны дзень
Сярод затрыманых — Анатоль Церашанкоў, Ганна Кажэмакс, Ксенія Марціновіч.

Так, 3 лютага перастаў выходзіць на сувязь Анатоль Церашанкоў. Па інфармацыі блізкіх, ён сфатаграфаваў групу міліцыянтаў, адправіў гэта фота ў чат (не паведамляецца ў які) і адразу ж выдаліў. Пасля гэтага Анатоль перастаў адказваць на званкі і паведамленні.
Таксама паведамляецца пра знікненне сувязі з Ганнай Кажэмакс. Яна была назіральніцай на выбарах у 2020 годзе. 5 лютага Ганна прыехала з Украіны ў Беларусь. У яе пад акном быў заўважаны бус з людзьмі ў форме, пасля гэтага Ганна перастала выходзіць на сувязь.
4 лютага пасля 15-сутачнага арышту з ЦІПа на Акрэціна не выйшлі браты Ілля і Мікіта Валенціновічы. 20 студзеня іх арыштоўвалі за «непадпарадкаванне» па арт. 24.3 КаАП. Братоў перазатрымалі. Верагодна, над імі адбудзецца новы суд, але артыкул пакуль невядомы.
6 лютага стала вядома пра затрыманне Ксеніі Марціновіч у Гомелі. Яе маці псіхолаг Ала Марціновіч выказала здагадку, што дачку затрымалі з-за яе. Сама Ала Марціновіч раней выехала ў Кіеў.
-
У Мінску адкрылі новую дыспетчарскую станцыю замест знесенай савецкай. Але будынка там няма — толькі бытоўка і біятуалет
-
У Беларусі за апошнія гады ліквідавалі 40 праваслаўных прыходаў
-
У Беларусі перастала працаваць сістэма анлайн-кантролю за рухам тавараў — ад шын да фенаў. Гэта не першы такі збой сёлета
Дырэктар Віцебскага цэнтра сучаснага мастацтва Андрэй Духоўнікаў пераехаў у Сербію — ён расказаў пра даносы ў культуры, неадукаванасць міністраў і чый жа Шагал
Каментары