З журналісткі «Нашай Нівы», у якую стралялі сілавікі, хочуць спагнаць грошы за бальнічны
У 2020-м годзе журналістка «Нашай Нівы» Наталля Лубнеўская месяц правяла ў бальніцы — пасля таго, як адзін з сілавікоў стрэліў ёй у нагу. Цяпер у яе хочуць патрабаваць вярнуць бальнічныя, выплачаныя за той час.
У чым сэнс прэтэнзій? Сродкі на аплату бальнічнага работніку звычайна выдаткоўвае Фонд сацыяльнай абароны насельніцтва. У выпадку, калі гэта няшчасны выпадак на вытворчасці (стрэл у журналіста падчас яго працы падпадае пад гэта сухое азначэнне), бальнічны аплочвае Белдзяржстрах.
Каб закрыць справаздачу, ім патрэбны дакумент пра тое, што справа закрытая (з якім вынікам — не мае значэння для бюракратычных працэдур). Следчы камітэт перыядычна дасылаў адказ, што праверка працягваецца — крымінальная справа па факце ранення журналісткі так і не была заведзена. Апошнія месяцы патрэбнага ліста ад яго не было. Праверка так і не скончана. Таму Белдзяржстрах, не атрымаўшы патрэбныя ім дакументы, пагражае спагнаць грошы з журналісткі.
Наталлю Лубнеўскую паранілі гумавай куляй 10 жніўня 2020 года: адзін з байцоў, меркавана, «Алмаза», спыніўся за 10 метраў ад групы журналістаў у сініх камізэльках «Прэса» і прыцэльна стрэліў з агнястрэльнай зброі. Рэпарцёрка правяла ў бальніцы 38 дзён. Крымінальную справу так і не завялі, вінаватага не пакаралі.
Летась рэпарцёрка атрымала міжнародную прэмію Free Media Awards.
Глядзіце, як гэта было. Спецназавец наўмысна страляе ў журналістку «Нашай Нівы» Наталлю Лубнеўскую з 10 метраў ВІДЭА
Пяць дзён, 60 удзельнікаў, саўна, більярд і крыкі адзін на аднаго. Расказваем, як прайшла закрытая «гульня Мацкевіча»42
Каментары