Свет

Напад Расіі змусіў украінцаў іншымі вачыма паглядзець на Бандэру

Да 2022 года ролю Сцяпана Бандэры ў гісторыі Украіны пазітыўна ацэньвала толькі траціна ўкраінцаў. Цяпер — тры чвэрці.

Украінская сацыялагічная група «Рэйтынг» правяла даследаванне ідэалагічных маркераў украінскага грамадства ва ўмовах вайны.

Калі раней, да пачатку вайны, фігура Сцяпана Бандэры выклікала супярэчнасці, і пазітыўна яго ролю ў гісторыі ацэньвала толькі траціна ўкраінцаў (яшчэ траціна — негатыўна), то з пачаткам вайны ва Украіне вакол фігуры Бандэры ўстанавіўся грамадскі нацыянальны кансэнсус — цяпер яго ролю пазітыўна ацэньваюць тры чвэрці ўкраінцаў.

Калі раней Бандэру лічылі героем на захадзе Украіны, то цяпер пазітыўнае стаўленне да ідэолага ўкраінскага нацыяналізму пераважае і ў паўднёва-ўсходніх рэгіёнах, у тым ліку сярод рускамоўных украінцаў.

Адметна, што Пуцін абгрунтоўвае сваю вайну супраць Украіны «дэнацыфікацыяй». Пад так званай «дэнацыфікацыяй» расіяне разумеюць дэўкраінізацыю, русіфікацыю, насаджэнне ва Украіне сваёй, расійскай версіі гістарычнай памяці і сваіх прынцыпаў дзяржаўнага ладу па аналогіі з тым, што адбылося ў Беларусі, Прыднястроўі і «ДНР». У «дэнацыфікацыю» (як яе разумеюць расіяне) уваходзіць і дыскрэдытацыя Сцяпана Бандэры.

Але, як мы бачым, пуцінскія «шматхадовачкі» прывялі да процілеглых вынікаў: Бандэра становіцца героем для ўсіх украінцаў.

Хто такі Бандэра?

Сцяпан Бандэра быў стваральнікам Арганізацыі ўкраінскіх нацыяналістаў, што ў 1930—50-я гады вяла ўзброеную барацьбу за незалежнасць Украіны. Бандэры ўдалося зрабіць незалежніцкі рух папулярным.

Постаць Бандэры выклікае рэзкае непрыманне ў Расіі, бо ён арганізаваў масавы і паспяховы ўзброены супраціў саветам. Украінскія ж гісторыкі ў ацэнцы Бандэры падзяліліся. Нацыяналісты і дзяржаўнікі высока ацэньваюць яго постаць, лібералы і левыя ставяцца да яго негатыўна.

З аднаго боку, ён узначаліў узброеную барацьбу за незалежнасць Украіны спачатку супраць палякаў, пасля — супраць нацыстаў і саветаў. З другога боку, яго арганізацыя выкарыстоўвала тэрарыстычныя метады. У вайне супраць палякаў АУН распаўсюдзіла тэрор на мірнае насельніцтва.

У перыяд да 1941 года АУН супрацоўнічала з нямецкімі нацыстамі. Аднак немцы адправілі кіраўнікоў арганізацыі, у тым ліку Бандэру, у канцлагер, калі тыя 30 чэрвеня 1941 года абвясцілі Украіну незалежнай.

Распаўсюджаны фэйк, што гэта «бандэраўцы» палілі вёскі ў Беларусі. Ён не адпавядае гістарычнай праўдзе: Бандэра на той момант ужо быў арыштаваны нацыстамі. У знішчэнні Хатыні ды іншых зладзействах разам з эсэсаўцамі ўдзельнічалі калабаранцкія падраздзяленні, складзеныя з прадстаўнікоў розных нацыянальнасцей. У іх пераважна ўваходзілі былыя савецкія ваеннапалонныя, пастаўленыя перад выбарам: або галодная смерць у лагеры, або служба нацыстам.

Бандэру ў 1959 годзе забіў агент савецкага КГБ, які з часам раскаіўся ў сваім учынку і перабег на Захад.

Прэзідэнт Юшчанка надаў Бандэру званне Героя Украіны. Януковіч гэты ўказ адмяніў.

Украінскія нацыяналісты шануюць чырвона-чорны сцяг АУН нароўні з дзяржаўным, жоўта-блакітным.

Нацыяналістычныя ідэі атрымалі новае распаўсюджанне ва Украіне ў адказ на захоп Расіяй Крыма і часткі Данбаса ў 2014-м.

Сёння постаць Бандэры ўшаноўваецца таксама ва ўкраінскіх сілавых структурах.

Чытайце таксама:

Цапкала заявіў, што Сцяпан Бандэра ваяваў з Пятром I

Каментары

На канцэрт Кадышавай у Мінску ў какошніках прыйшлі нават мужчыны85

На канцэрт Кадышавай у Мінску ў какошніках прыйшлі нават мужчыны

Усе навіны →
Усе навіны

УСУ ўдарылі па Крымскім мосце. Рух транспарту спынены15

Турысты накідалі ў фантан Трэві амаль на 200 тысяч еўра менш пасля таго, як падыход да яго зрабілі платным4

Кітайскі маркетплэйс Temu сам прапанаваў беларусцы супрацоўніцтва, але зліўся, калі даведаўся яе грамадзянства13

Мінабароны расказала, як над Беларуссю збіваюць заблукалыя дроны2

З Янам Памедорам Рэуцкім развіталіся ў Варшаве

Канкурэнт Starlink страціў 40 спадарожнікаў: ракета не даляцела да арбіты

Сабаленка адкацілася на трэцяе месца ў сусветным рэйтынгу

Сэрца — амаль адзіны орган, які не хварэе на рак. Навукоўцы пачынаюць разумець чаму1

Грэцкі агонь, антыкітэрскі механізм, сільфій ды іншыя страчаныя вынаходніцтвы. Чаму чалавецтва іх забыла?1

больш чытаных навін
больш лайканых навін

На канцэрт Кадышавай у Мінску ў какошніках прыйшлі нават мужчыны85

На канцэрт Кадышавай у Мінску ў какошніках прыйшлі нават мужчыны

Галоўнае
Усе навіны →

Заўвага:

 

 

 

 

Закрыць Паведаміць