Рэжысёр Олівер Стоўн, які здымаў фільм пра Пуціна, заявіў, што той хварэў на рак
Амерыканскі рэжысёр Олівер Стоўн у інтэрв'ю 17 мая выказаў здагадку, што перанесены Пуціным рак быў адным з фактараў, што ляжаў у аснове яго рашэння напасці на Украіну.
«Я не магу вам з упэўненасцю адказаць [чаму Пуцін напаў на Украіну]. Па-першае, мы не ведаем, што яму сказалі, ці разведка сапраўды давала яму правільныя ацэнкі. Магчыма, ён не быў добра інфармаваны пра ступень супрацоўніцтва, якое маглі даць рускім ва Украіне. Гэта магло быць адным з фактараў таго, што ён некарэктна ацаніў наступствы [вайны]. І не забывайце такую рэч: у Пуціна быў рак, і я думаю, ён адолеў яго, але яшчэ ён быў ізаляваны падчас кавіду. <…> Магчыма, ён страціў кантакт з людзьмі. Але я спекулюю, я не ведаю дакладна», ‒ сказаў рэжысёр.
Олівер Стоўн пазнаёміўся з расійскім прэзідэнтам у 2015 годзе, а ў 2017 годзе на экраны выйшаў ягоны чатырохсерыйны фільм «Інтэрв'ю з Пуціным», у якім суразмоўцы абмяркоўваюць гісторыю расійска-амерыканскіх адносін, сітуацыю ў Сірыі, Украіне ды іншыя геапалітычныя пытанні.
Гэты фільм крытыкавалі за тое, што Стоўн унікаў вострых тэмаў і адносіўся да Пуціна з ліслівасцю і ўгодлівасцю.
У 2019 годзе стала вядома, што Олівер Стоўн падчас інтэрв'ю з Пуціным папрасіў таго стаць хросным бацькам яго 22-гадовай дачкі.
У расследаванні пра здароўе прэзідэнта, апублікаваным «Праектам», гаворыцца, што Пуціна ў кожнай яго паездцы суправаджаюць у сярэднім дзевяць дактароў, а самыя частыя яго спадарожнікі — лор і хірург-анколаг, які напісаў дысертацыю аб лячэнні раку шчытападобнай залозы.
Навошта Пуціну хірург-анколаг? Выйшла расследаванне пра здароўе прэзідэнта Расіі
Пуцін усе 12 хвілін даклада Шайгу пра Марыупаль трымаўся за край стала
Пуцін накрыўся падчас парада. Гэта выклікала новыя абмеркаванні яго здароўя
Цяпер чытаюць
Што вядома пра затрыманых радыёаматараў, якім пагражае аж да расстрэлу5
Каментары