Праца мастака Глеба Каштанава з'явілася ў рамках праекта «Традыцыі дзеля будучыні», які быў запушчаны «Беларусбанкам» з нагоды яго векавога юбілею. Мурал у Віцебску — пяты з гэтай серыі, але першы ў горадзе, піша сайт Blizko.by.
Адрас дома, дзе з'явілася праца — праспект Будаўнікоў, 20, корпус 1.
У цэнтры карціны — грэчаская калона, якую ўпрыгожылі васількамі са слуцкіх паясоў. На калоне сядзіць мастак, які малюе неба. У ніжняй частцы мурала намаляваныя гарадскія віды, якія нагадваюць малюнкі Марка Шагала.
У левым верхнім куце — вершнік у аблоках, вобраз якога можа прачытаць кожны па-свойму. Хтосьці ў гэтым, як зазначае Blizko.by, убачыць адсылку да герба Віцебскай вобласці, хтосьці — палёт фантазіі героя карціны, а хтосьці — вобраз паганскага Ярылы, які нясе святло і росквіт людзям.
Цяпер чытаюць
Беларуска набіла на целе партрэты Лукашэнкі і яго сыноў, Умкі, Пуціна ды Сі Цзіньпіна22
Каментары
ну што ж вы так пра сябе... можа навучыцеся шчэ чытаць... вось напісана - "грэчаская калона, якую ўпрыгожылі васількамі са слуцкіх паясоў" што не так?
і вогуле... мастак так бачыць)
а ў версе там шчэ вершнік дзіўны. нібы касманаўт... ці гэта святы?
а такая Пагоня неправаслаўная некананічная не засмучае спадара?)