Здароўе22

Ці можна піць каву на пусты страўнік?

Большасць з нас не ўяўляе сабе дня без кубка кавы, і шмат хто распачынае з яе раніцу. Але ці можна піць каву на пусты страўнік? Адказ на гэтае пытанне не такі відавочны, як можа здавацца.

Фота: pixabay.com

Сярод напояў, якія мы п'ём часцей за ўсё, кава саступае хіба толькі вадзе. Папулярнасці кавы не перашкаджаюць ні мясцовыя традыцыі, ні асабістыя кулінарныя перавагі, якія шмат у каго бываюць розныя, піша onet.pl.

Але ці не шкодна, калі мы распачынаем дзень толькі з кавы на пусты страўнік? Гэта залежыць ад шматлікіх фактараў. Перш за ўсё, існуе не так шмат доказаў, што такое піццё кавы шкодзіць здароўю, але ў некаторых выпадках яна сапраўды можа аказацца не найлепшым выбарам.

Даследаванні паказваюць, што кава можа спрыяць павышанай выпрацоўцы страўнікавай кіслаты. Таму шмат людзей лічаць, што кава раздражняе страўнік, пагаршае сімптомы кішачных разладаў, выклікае пякотку і млоснасць. Кажуць, што гэтыя сімптомы пагаршаюцца, калі кава трапляе ў пусты страўнік, але ж няма доказаў, што кава моцна звязаная з пагаршэннем стрававання, у тым ліку калі яе п’юць нашча.

Іншы аргумент супраць такога піцця кавы — тое, што яна нібыта можа павялічыць узровень гармону стрэсу, картызолу. Гэты гармон, які вырабляюць наднырачнікі, дапамагае рэгуляваць метабалізм, крывяны ціск і ўзровень цукру ў крыві, але ж яго павышаны ўзровень можа шкодзіць здароўю.

Кава сапраўды спрыяе выпрацоўцы картызолу. Раніцай, калі мы яе звычайна п’ём, у нас у крыві і так пікавы ўзровень гэтага гармону, таму некаторыя людзі і лічаць, што любімы напой будзе спрыяць таму, каб картызолу было ў крыві небяспечна шмат. Але навукоўцы кажуць, што людзі, якія рэгулярна п’юць каву, рэдка маюць ад яе павышаны картызол ці ўвогуле не адчуваюць нейкіх зменаў. Ёсць даныя, што негатыўныя наступствы занадта высокага ўзроўню картызолу не звязаныя з піццём кавы.

Рэч тут у іншым. Калі вы п’яце раніцай каву, каб лепей прачнуцца, то гэта не мае сэнсу, бо ў вас у крыві і так шмат картызолу, які дае адчуванне бадзёрасці. Таму лепей звярнуцца да кавы пазней, каб вы сапраўды адчулі сябе больш поўным энергіі.

Ці можа кава нашкодзіць?

Незалежна ад таго, елі вы перад піццём кавы ці не, яе ўжыванне можа выклікаць некалькі дрэнных наступстваў. У вас можа развіцца залежнасць ад кафеіну, тым больш што некаторыя людзі да яго асабліва ўразлівыя. Калі вы будзеце піць занадта шмат кавы, вы можаце адчуваць трывогу, у вас можа паскорыцца пульс і нават развіцца панічная атака.

У некаторых людзей ад кавы можа забалець галава, таксама ад яе часам павышаецца крывяны ціск. Нарэшце, калі піць на пусты страўнік каву з малаком ці з нейкім раслінным дадаткам, гэта можа спрыяць вялікаму росту ўзроўню цукру ў крыві.

Таму большасць экспертаў раяць не забываць пра здаровы сэнс і не перавышаць рэкамендаваныя дозы спажывання кафеіну (памятайце, што ён таксама змяшчаецца і ў гарбаце). Рэкамендуецца ўжываць не больш за 400 міліграмаў кафеіну ці 4-5 кубкаў кавы штодзень, а таксама не піць каву перад сном. Цяжарным жанчынам і тым, хто корміць дзіця грудзьмі, варта і ўвогуле піць не больш за 1-2 кубкі кавы ў дзень або зусім ад яе адмовіцца, бо кафеін лёгка трапляе да будучага дзіцяці праз плацэнту. Найбольш карысна піць заварную каву ці эспрэса, распушчальная кава больш шкодная.

Дадайце гэтую спецыю ў каву — і вы заўсёды будзеце так рабіць

Чаму кава часам робіць нас больш стомленымі

Ці шкодзіць кава косткам? Вось што кажа навука

Каментары2

  • суворае дзяцінства драўляныя ложкі, алюмініевыя лыжкі і кубкі
    16.08.2022
    Ці можна піць каву на пусты страўнік?

    мне б вашыя, як гаворыцца, праблемы. скажыце лепш, як не абпаліць вусны, калі п'еш гарачую каву з металічнага кубка, як на фота?
  • Яўхім Іванавіч
    16.08.2022
    Ні пра што.

Цяпер чытаюць

Крутога айцішніка, які вярнуўся з Польшчы, кінулі за краты за фінансаванне «экстрэмізму»

Крутога айцішніка, які вярнуўся з Польшчы, кінулі за краты за фінансаванне «экстрэмізму»

Усе навіны →
Усе навіны

Дзіцячы цэнтр, які адмовіў дзяўчыне ў працаўладкаванні за беларускую мову, улады праверылі і знайшлі парушэнні2

У Ізраілі 1 загінуў, 40 параненых ад іранскай балістыкі. Пачалася трэцяя хваля ўдараў па Іране11

«Гэты фэст не толькі для кайфу». Арганізатары фестывалю Tutaka расказалі пра сёлетнія планы і перспектывы10

Пуцін асудзіў парушэнне Ізраілем Статута ААН і нормаў міжнароднага права11

За месяц попыт на лялек Лабубу вырас на «Куфры» ў 6,5 раза7

Пад Салядарам адзін расійскі самалёт збіў іншы?4

Ізраільская ракета ўдарыла па рэзідэнцыі Вярхоўнага лідара Ірана Алі Сееда Хаменеі3

Падчас ізраільскай атакі на Іран забілі камандзіра спецпадраздзялення «Кудс»1

Нетаньяху ўвёў Іран у зман з дапамогай вяселля, а Трамп — сваімі заявамі8

больш чытаных навін
больш лайканых навін

Крутога айцішніка, які вярнуўся з Польшчы, кінулі за краты за фінансаванне «экстрэмізму»

Крутога айцішніка, які вярнуўся з Польшчы, кінулі за краты за фінансаванне «экстрэмізму»

Галоўнае
Усе навіны →

Заўвага:

 

 

 

 

Закрыць Паведаміць