Форвард мадрыдскага «Рэала» Карым Бензема выйграў «Залаты мяч» 2022 года — самую прэстыжную індывідуальную ўзнагароду для футбалістаў у свеце. Узнагароду 34-гадоваму футбалісту ўручылі сёння на ўрачыстай цырымоніі ў Парыжы.
У мінулым сезоне француз у складзе «Рэала» выйграў Лігу чэмпіёнаў (5-ы раз у кар'еры) і чэмпіянат Іспаніі (4-ы раз). Таксама ён стаў найлепшым бамбардзірам абодвух турніраў.
У Лізе чэмпіёнаў ён забіў 15 галоў у 12 матчах, у Ла Лізе — 27 мячоў у 32 гульнях. Усяго ж у яго ў сезоне 2021/22 44 галы ў 46 матчах за «Рэал» ва ўсіх турнірах.
Для Бензема гэта першы «Залаты мяч» у кар'еры. Найлепшым ягоным вынікам да гэтага было чацвёртае месца ў мінулым годзе.
У жніўні форвард таксама атрымаў прыз лепшаму футбалісту сезона па версіі УЕФА.
Цяпер чытаюць
Намеснікам кіраўніка Адміністрацыі прэзідэнта стаў цвердалобы Муравейка, а Генштаб узначаліў генерал, які не вучыўся ў Расіі13
Намеснікам кіраўніка Адміністрацыі прэзідэнта стаў цвердалобы Муравейка, а Генштаб узначаліў генерал, які не вучыўся ў Расіі
Беларус-вахтавік на Ямале стварае песні на беларускай мове з дапамогай ШІ. «Раней музыка была закрытым клубам. Нейрасеткі адчынілі гэтыя дзверы з нагі»1212
Каментары