Тры з паловай гады калоніі далі жанчыне, якая дапамагала падпольшчыкам пераходзіць мяжу
Тры з паловай гады калоніі далі палітзняволенай Алесі Буневіч, якая дапамагала пераходзіць мяжу падпольшчыкам, якім пагражала небяспека. Яе асудзілі ў закрытым рэжыме паводле ч. 3 арт. 371 Крымінальнага кодэкса (наўмыснае незаконнае перасячэнне дзяржаўнай мяжы), здзейсненае арганізаванай групай. Вядома, што сваёй віны яна не прызнала. Прысуд вынес суддзя Дзмітрый Грышын, піша «Вясна».
Алеся Буневіч — дырэктарка віленскай друкарні, затрыманая 4 красавіка ў межах крымінальнай справы пасля таго, як яна прыехала з Літвы ў Беларусь.
Алесю Буневіч спачатку абвінавацілі ў «здзяйсненні акта тэрарызму групай асоб па папярэдняй змове» (ч. 2 арт. 289 Крымінальнага кодэкса) у межах справы «рэйкавых партызанаў».
У прапагандысцкім фільме на БТ паказалі кавалак допыту Алесі, дзе яна распавядала, як купляла літоўскія сім-карты за некалькі дзён да паездкі ў Беларусь, паказвала, дзе хавала іх на тэрыторыі краіны, пра тое, як усё здымала на відэа, каб пасля іх маглі знайсці падпольшчыкі, якім трэба было перайсці мяжу. А таксама, што павінна была «адправіць» маладых людзей, калі яны пад'едуць да мяжы.
Але канчаткова 33-гадовай жанчыне выставілі абвінавачванне па ч. 3 арт. 371 Крымінальнага кодэкса — наўмыснае незаконнае перасячэнне дзяржаўнай мяжы Рэспублікі Беларусь, здзейсненае арганізаванай групай.
Прысуд у Гродзенскім раённым судзе вынес суддзя Дзмітрый Грышын.
Падтрымайце Алесю лістамі, грашовымі пераводамі, пасылкамі: Турма № 1, 230023, Гродна, Кірава, 1, Алеся Анатольеўна Буневіч
Цяпер чытаюць
Лукашэнка: Што творыцца ў краіне, у нас усе гэтую гусь круцяць1
Лукашэнка: Што творыцца ў краіне, у нас усе гэтую гусь круцяць
«Беларусь яны бачаць часткай Расіі». Што значыць уздым «Альтэрнатывы для Германіі», наколькі далёка гэта можа зайсці і як сябе пазіцыянаваць беларусам5656
Каментары