Міністр замежных спраў Эстоніі Урмас Рэйнсалу размясціў у сваім твітары відэа, у якім ён кладзе ў куфэрак кайданкі. З ягоных слоў, гэта падарунак «расійскаму найміту Прыгожыну» і чакаць яны будуць кіраўніка «Вагнера» ў Гаазе.
Рэйнсалу называе гэта падарункам у адказ на адпраўку акрываўленай кувалды ў Еўрапарламент. Кувалда была прыладай рэзананснага забойства Яўгена Нужына, зняволенага, завербаванага «Вагнерам», і які затым здаўся ў палон украінцам.
Два дні таму прапагандысцкі тэлеграм-канал «Кібер фронт Z» паведаміў, што «музыканты» (адзін з эпітэтаў «Вагнера» ў прапагандзе) адправілі ў Еўрапарламент футляр з акрываўленай кувалдай (сляды крыві нібыта былі бутафорскія).
Гэта падавалася як адказ на рэзалюцыю аб прызнанні Расіі краінай-спонсарам тэрарызму, прынятую за некалькі гадзін да гэтага. Тэлеграм-канал «Прэс-служба Прыгожына», які прапануецца лічыць афіцыйным рупарам бізнэсоўца і правадыра наймітаў, незадоўга да гэтага паведамляў аб перадачы «прадстаўнікам кіберфронта Z» нейкага «інфармацыйнага кейса для перадачы ў Еўрапарламент».
У канале «Прэс-служба Прыгожына» ўжо з'явіўся адказ на твіт Рэйнсалу. Ён нецэнзурны, вульгарна і здзекліва перакручвае імя эстонскага палітыка, але змястоўная яго частка гучыць так: «я сумняваюся, што кайданкі для мяне ў Гаазе спатрэбяцца, кішка тонкая».
As we witnessed Russian mercenary Prigozhin send his bloody hammer to @Europarl_EN I’d like him to accept our little gift also that is waiting for him in #Hague. pic.twitter.com/jTXx6Z4tUO
Цяпер чытаюць
Слесар з Оршы бегаў ад войска на радзіме, каб пасля памерці за Пуціна. Перад адпраўкай на забой для яго закацілі дыскатэку з афрыканцамі1
Слесар з Оршы бегаў ад войска на радзіме, каб пасля памерці за Пуціна. Перад адпраўкай на забой для яго закацілі дыскатэку з афрыканцамі
Пасол Украіны па пытаннях Беларусі адказаў на дыскусію Вячоркі і крытыкаў Ціханоўскай: Ваша ўзаемная непрымальнасць адыгрывае вельмі неканструктыўную ролю4646
Каментары