ДзяржСМІ апублікавалі памер заробкаў кіраўнікоў прыватных гандлёвых сетак і іх работнікаў
10 лютага на нарадзе па пытаннях цэнаўтварэння Лукашэнка гаварыў пра вялізны разрыў паміж заробкамі кіраўнікоў і радавога персаналу ў некаторых гандлёвых сетках. Увечары таго ж дня дзяржаўныя медыя Беларусі апублікавалі адпаведныя лічбавыя звесткі. Цікава, што ў пераліку няма кампаній, якія кіруюцца лукашэнкаўскімі «бізнэсменамі ўдачы».
Інфармацыю пра памер сярэднямесячнай заработнай платы кіраўнікоў і работнікаў асобных гандлёвых сетак у 2022 годзе даў Камітэт дзяржкантролю.
ТАА «Еўрагандаль» (гандлёвая сетка «Еўраопт»)
Кіраўнік — 193,1 тысячы рублёў.
Прадавец — 1 тысяча рублёў.
Касір-кантралёр — 1,1 тысячы рублёў.
Сярэдні заробак па арганізацыі — 1,4 тысячы рублёў.
ЗАТ «Патыя» (сетка «Пяты элемент»)
Кіраўнік — 148,7 тысячы рублёў.
Прадавец — 1,6 тысячы рублёў.
Касір-кантралёр — 0,9 тысячы рублёў.
Сярэдні заробак па арганізацыі — 1,7 тысячы рублёў.
ІУПКП «Белвілесдэн» (гандлёвая сетка «Гіпа»)
Кіраўнік — 98,6 тысячы рублёў.
Прадавец — 1 тысяча рублёў.
Касір-кантралёр — 1,3 тысячы рублёў.
Сярэдні заробак па арганізацыі — 1,5 тысячы рублёў.
ТАА «Санта Рытэйл» (гандлёвая сетка «Санта»)
Кіраўнік — 37,4 тысячы рублёў.
Прадавец — 1 тысяча рублёў.
Касір-кантралёр — 1,1 тысячы рублёў.
Сярэдні заробак па арганізацыі — 1,2 тысячы рублёў.
ТАА «Фікс Прайс Захад» (сетка «Фікс Прайс»)
Кіраўнік — 69,2 тысячы рублёў.
Прадавец-кансультант — 0,9 тысячы рублёў.
Сярэдні заробак па арганізацыі — 1,2 тысячы рублёў.
ТАА «Электрасэрвіс і Ка» (сетка «Электрасіла»)
Кіраўнік — 30,2 тысячы рублёў.
Прадавец — 1,3 тысячы рублёў.
Касір-кантралёр — 1,3 тысячы рублёў.
Сярэдні заробак па арганізацыі — 2,2 тысячы рублёў.
ТАА «Еўразапчастка» (крамы ARMTEK)
Кіраўнік — 28,3 тысячы рублёў.
Сярэдні заробак па арганізацыі — 2,3 тысячы рублёў.
ТАА «Тытунь-Інвест» (гандлёвая сетка «Карона»)
Кіраўнік — 15,4 тысячы рублёў.
Прадавец — ад 0,8 тысячы рублёў да 1,3 тысячы рублёў.
Касір-кантралёр — ад 0,9 тысячы рублёў да 1,4 тысячы рублёў.
Сярэдні заробак па арганізацыі — 1,6 тысячы рублёў.
ААТ «Эрніс» (ГЦ «Мацярык» і «Палас»)
Кіраўнік — 12 тысяч рублёў.
Прадавец — 1,4 тысячы рублёў.
Касір-кантралёр — 1,4 тысячы рублёў.
Сярэдні заробак па арганізацыі — 1,8 тысячы рублёў.
ЗАТ «Юніфуд» (гандлёвая сетка «Алмі»)
Кіраўнік — 11,8 тысячы рублёў.
Прадавец — 0,85 тысячы рублёў.
Касір-кантралёр — 0,85 тысячы рублёў.
Работнікі — 1,1 тысячы рублёў.
На нарадзе 10 лютага Аляксандр Лукашэнка анансаваў «вельмі жорсткія разборкі» па заробках кіраўнікоў у гандлёвых сетках. На думку Лукашэнкі, суадносіны заробкаў работніка і кіраўніка, уладальніка гандлёвай арганізацыі павінны быць у межах 1 да 8.
Што да прыведзеных вышэй лічбаў, то ў нас ёсць падставы лічыць, што яны, як і адбор сетак для падборкі, маніпулятыўныя. Пра гэта пасля будзе асобны матэрыял.
Каментары