У Касцюковічах да верасня 2019 года незаўважна для ўсіх знішчылі гістарычную камяніцу з вельмі складаным і багатым дэкорам фасадаў — піша тэлеграм-канал aktahon. Будынак размяшчаўся па адрасе Юнацкая вуліца, 16, недалёка ад цэнтральнай плошчы. Знос быў выяўлены выпадкова пры аналізе спадарожнікавых здымкаў у Google Earth.
Фотаздымкаў страчанага будынка захавалася мала, і ўсе яны — дзесяцігадовай даўніны.
Будынак не ўваходзіў у спіс прызнаных дзяржавай гісторыка-культурных помнікаў. Але гэта агульная бяда ўсіх гістарычных аб’ектаў у Касцюковіцкім раёне — у дзяржаўны спіс тут унесены толькі дзве брацкія магілы (якія і так знаходзяцца пад аховай паводле іншых заканадаўчых актаў).
«То-бок на тэрыторыі ўсяго раёна не знайшлося ніводнага пацвярджэння жыцця людзей: ні археалагічных помнікаў, ні архітэктурных, — піша канал aktahon. — Тут людзі выключна паміралі. Толькі да такой высновы можна прыйсці, праглядаючы аб’екты, унесеныя па гэтым раёне ў Спіс.»
«На вялікі жаль, усходняя Беларусь застаецца турыстычна непрыцягальнай (і застаецца такой назаўжды, калі падобныя зносы не скончыцца), таму пра знішчэнне нейкага гістарычнага будынка можна даведацца толькі ў выніку глыбокага аналізу», — канстатуе аўтар тэлеграм-канала.
І заклікае беларусаў: «Калі ласка, падарожнічайце не толькі на Гродзеншчыну, хаця б каб зафіксаваць у добрай якасці тыя помнікі, якія цудам ацалелі».
-
«Мы хацелі стварыць вайб «Хлопчык, гарэлачкі мне прынясі!» У Мінску пачала працаваць «Жаночая піўная» — афіцыянты там адны мужчыны
-
Муж былой кіраўніцы Міністэрства ўнутранай бяспекі ЗША любіць адзяваць жаночае і бамбічныя накладныя грудзі
-
Беларуска Аляксандра Борціч, якая здымаецца ў Расіі, змяніла акцёрскую прафесію
Каментары