Меркаванні1616

«Паміж Гітлерам і Адэнаўэрам трэба выбіраць Адэнаўэра». Нам можа не падабацца рыторыка расійскіх антыпуцінцаў, але гэта не падстава іх не падтрымліваць

Журналіст Максім Маханькоў выказаўся ў фэйсбуку пра дастаткова распаўсюджанае ўяўленне адносна таго, што, маўляў, расійскія дэмакраты працуюць на Пуціна, бо не маюць у сваіх праграмах пункта аб абавязковым распадзе Расіі на дробныя шматкі.

У інтарэсах усяго свабоднага свету — паражэнне Расіі ў вайне, вывад расійскіх войскаў з акупаваных тэрыторый Украіны, Грузіі і Малдовы, калапс палітычнага рэжыму, асуджэнне расійскага імперыялізму. Упэўнены, што гэта павінна стаць платформай антыпуцінскіх сіл і ўнутры самой Расіі.

Часта можна пачуць крытыку ў бок гэтых самых антыпуцінскіх сіл (напрыклад, Хадаркоўскага), што яны, гады, не хочуць распаду Расіі, хочуць захаваць яе ў міжнародна прызнаных межах 1991 года, без адарвання ад Расіі тэрыторый. А таму ўсе яны працуюць на Пуціна (ці нават горшыя за Пуціна — імперцы ў «ліберальнай» абгортцы).

І тут адразу бачна, наколькі людзі адарваныя ад рэальнасці, і наколькі ва Усходняй Еўропе ўсё кепска з памяццю пра постваенную Еўропу.

Ніякі палітык, у тым ліку антыпуцінскі, які прэтэндуе на высокую дзяржаўную пасаду (цяпер ці ў будучыні) у прынцыпе ніколі не будзе ставіць пытанне аб адарванні тэрыторый ад сваёй краіны ў міжнародна прызнаных межах. Гэта — нармальна. Бо любыя падобныя размовы сталі б для такога палітыка палітычнай смерцю. І Расія тут не ўнікальная.

Постваенная Нямеччына. У краіне пасля ваеннага паражэння і ганебнага агіднага гітлерызму адбываецца дэнацыфікацыя пад кантролем саюзнікаў. Краінай кіруе ХДС/ХСС пад кіраўніцтвам Конрада Адэнаўэра — прынцыповага, непахіснага крытыка Гітлера і нацызму з беззаганнай рэпутацыяй, практыкуючага католіка.

У выніку Другой сусветнай вайны Нямеччына страціла тэрыторыі, але ХДС (пад кіраўніцтвам антыгітлераўца Адэнаўэра) працягвала заяўляць пра магчымасць аб'яднання Нямеччыны ў межах… 1937 года! ХДС спакойна малявала Нямеччыну на сваіх постарах у старых межах ажно да 1980-х, праз дзесяцігоддзі (!!!) пасля таго, як Нямеччына прайграла ў вайне і страціла Сілезію, Прусію і Памеранію.

Было б дзіўна, калі б антыпуцінскія сілы ў Расіі паводзілі сябе неяк інакш. Тым больш, што да ваеннага паражэння Расіі яшчэ вельмі і вельмі далёка.

Тое, што гавораць антыпуцінскія сілы ў Расіі, яшчэ тысячы разоў можа нам не спадабацца, але гэта не падстава гэтыя сілы не падтрымліваць. Паміж Гітлерам і Адэнаўэрам трэба выбіраць Адэнаўэра.

Каментары16

  • Эюя
    26.02.2023
    Праблема не ў патрабаванні распада Расеі, а ў тым, што ў антыпуцінцаў Расея застаецца імперыяй. Яны напрыклад, катэгарычна супраць раззбраення, у тым ліку ядзернага. Хадаркоўскага ў нядаўнім інтэрв'ю Няўзораву ажно перакасіла, калі апошні папрасіў на развітанне сказаць Слава Украіне і Жыве Беларусь. Простыя словы, каторыя легка вымаўляюць заходнія лідары, але Хадаркоўскі іх вымавіць адмовіўся. Гэта сведчыць багата пра што. Праграмы ў іх няма нармальнай, той жа Хадаркоўскі супраць перадачы ўкраінцам прадпрыемстваў у якасці рэпарацый і ўсё ў гэтым родзе. Карацей, іх галоўная праграма, гэта не пярэчыць расейскаму народу, заставацца ў ідэйнай парадыгме створанай Пуціным, але троху памяняць сістэму знутры. Да чаго гэта прывядзе ? Да таго, да чаго прывяла эпоха Ельцына, - да новай дыктатуры. Альбо да чаго магла прывесці Германію мадэрнізацыя фашызму, - да новага фашызму і поўнай адсутнасці пакаяння.
  • Улад
    26.02.2023
    Расея у межах 1991 года - гэта самае правільнае патрабаванне на дадзены момант.
  • ром
    26.02.2023
    Эюя,  эйй)) циркач,,,,, попроси любого поляка сказать Слава Украине))) и получишь за это под глаз от него!

Цяпер чытаюць

Трамп ухваліў план атакі на Іран, але пакуль устрымліваецца ад загаду2

Трамп ухваліў план атакі на Іран, але пакуль устрымліваецца ад загаду

Усе навіны →
Усе навіны

Распрацоўшчык гульні «Свет танкаў» афіцыйна перайшоў ва ўласнасць расійскай дзяржавы6

Каго больш палонных: украінцаў ці расіян?1

Стала вядома, з кім згуляюць беларускія клубы ў другім раўндзе Лігі канферэнцый1

Саміт G7 скончыўся без заявы пра Украіну. Зяленскі і Трамп пакінулі яго датэрмінова4

Таямнічы фонд Лукашэнкі стварыў структуру ў Расіі4

«Месяц без працы — даражэй». Ці можна заплаціць $5 тысяч і атрымаць офер?1

«Лічу, што заслужыў права выказацца». Адстаўны падпалкоўнік беларускай міліцыі вярнуў медаль і пайшоў ваяваць за Украіну10

У ЗША дактары адключылі ад апарата 31-гадовую амерыканку — яна нарадзіла ў коме3

Ад іранскага ракетнага ўдару ў Ізраілі загінула сям'я з Украіны, якая прыехала лячыць сямігадовую дачку ад лейкеміі2

больш чытаных навін
больш лайканых навін

Трамп ухваліў план атакі на Іран, але пакуль устрымліваецца ад загаду2

Трамп ухваліў план атакі на Іран, але пакуль устрымліваецца ад загаду

Галоўнае
Усе навіны →

Заўвага:

 

 

 

 

Закрыць Паведаміць