Культура

Выстава рэпрэсаваных мастакоў адкрылася ў Музеі вольнай Беларусі

У Варшаве адкрылася выстава карцін рэпрэсаваных беларускіх мастакоў пад назвай «Вітанкі з Беларусі». Усе сямнаццаць творцаў-удзельнікаў вымушана пакінулі Радзіму, большасць з іх адбылі турэмныя тэрміны. Таксама паказалі малюнкі Паўла Севярынца, які па сённяшні дзень знаходзіцца ў турме, піша Reform.by.

Інсталяцыя з творам Антона Радзівонава. «Вясна на сэрцы».

У Варшаве адкрылася выстава карцін рэпрэсаваных беларускіх мастакоў пад назвай «Вітанкі з Беларусі». Усе сямнаццаць творцаў-удзельнікаў вымушана пакінулі Радзіму, большасць з іх адбылі турэмныя тэрміны. Таксама паказалі малюнкі Паўла Севярынца, які па сённяшні дзень знаходзіцца ў турме.

Віктар Сяргей. Тлеючы позірк. 2022. Фота: reform.by.

На выставе згадалі і іншых зняволеных мастакоў — Алеся Пушкіна і Генадзя Драздова. А Павел Латушка падчас свайго выступу на вернісажы нагадаў пра вельмі пазітыўную падзею, што здарылася якраз у дзень адкрыцця: Міжнародны крымінальны суд у Гаазе выдаў ордар на арышт Уладзіміра Пуціна.

«Для мяне, як для палітыка, як для дыпламата і юрыста, які вучыўся міжнароднаму праву, гэта азначае, што дарога адкрытая… Дарога адкрытая таксама і для Аляксандра Лукашэнкі. Мы будзем змагацца, каб ён быў прыцягнуты да адказнасці… у тым ліку і за злачынствы супраць нашай беларускай культуры», — сказаў палітык.

Перформанс на адкрыцці выставы «Вітанкі з Беларусі». Фота: reform.by.

Варта адзначыць, што фармат выставы — не зусім класічны. Вольная развеска, палотны без рам, творы рознага ўзроўню, адабраныя не паводле мастацкіх крытэрыяў, а паводле палітычных. Мастацтва на сценах Музея вольнай Беларусі з’яўляецца працягам актывісцкіх практык, якія пачаліся на вуліцах беларускіх гарадоў у 2020-я. Ясны пасыл, шчырае жаданне выказацца, вольная форма — мы памятаем, якая хваля крэатыву тады паўстала! Частка тагачасных артэфактаў захоўваецца ў Музеі вольнай Беларусі.

Зміцер Шапавалаў. Бітва пад Палонкай. 2013. Фота: reform.by.

Экспазіцыя мела некалькі сэнсавых вузлоў.

У цэнтры размясцілі два сталы, адзін сімвалічна належаў чалавеку, што быў пазбаўлены працы ці вымушаны пакінуць радзіму, другі паказваў побыт палітвязня: цыгарэта, запалкі, лыжка, кубак, лісты. Там жа ляжаў малюнак Уладзіслава Макавецкага, зроблены ў турме. Куратарка выставы Вольга Шніп агучыла просьбу мастака дамаляваць выяву.

Інсталяцыя з белай і чорнай тканіны сімвалізавала два бакі нашага жыцця, якія мастацтва здольнае з’яднаць і прымірыць: бо ў чорным ёсць пробліскі белага, а ў белым ёсць кветкі, птушкі і творчасць.

Інсталяцыя «Стол палітзняволенага» на выставе «Вітанкі з Беларусі». Фота: reform.by.

Адзін з самых кранальных аб’ектаў на выставе — інсталяцыя з турэмных малюнкаў Касі Будзько, а побач — швейная машынка як сімвал турэмнай працы, якую яна выконвала.

Каля ўваходу ў экспазіцыю да сцяны галерэі прымацавалі аркушыкі паперы з драматычнымі гісторыямі мастакоў.

Інсталяцыя з турэмных малюнкаў Касі Будзько. Фота: reform.by.

Пасля адкрыцця адбыўся дабрачынны аўкцыён, сабраныя сродкі пойдуць на падтрымку рэпрэсаваных мастакоў і арт-рэзідэнцыі «Дом Творцаў», якая з’яўляецца адным з арганізатараў выставы.

Выстава адкрылася ў Музеі вольнай Беларусі па адрасе Foksal, 11.

Каментары

Цяпер чытаюць

На канцэрт Кадышавай у Мінску ў какошніках прыйшлі нават мужчыны85

На канцэрт Кадышавай у Мінску ў какошніках прыйшлі нават мужчыны

Усе навіны →
Усе навіны

Дачакалася з войска і паехала з ім у рэйс. Пад Старымі Дарогамі загінула маладая пара з Бабруйска3

Нявестка Ліліі Ананіч стала топ-менеджарам у БелТА — вярнулася на радзіму праз чатыры месяцы пасля эміграцыі ў Кітай24

Ва Украіне 14‑гадовая школьніца нарадзіла ад 60‑гадовага мужчыны. Яна кажа, што ён добры бацька, і прасіла не караць яго28

Таксіста і былога ахоўніка «Еўраопта» з Баранавічаў абвінавачваюць па палітычным артыкуле3

УСУ ўдарылі па Крымскім мосце. Рух транспарту спынены15

Турысты накідалі ў фантан Трэві амаль на 200 тысяч еўра менш пасля таго, як падыход да яго зрабілі платным4

Кітайскі маркетплэйс Temu сам прапанаваў беларусцы супрацоўніцтва, але зліўся, калі даведаўся яе грамадзянства13

Мінабароны расказала, як над Беларуссю збіваюць заблукалыя дроны2

З Янам Памедорам Рэуцкім развіталіся ў Варшаве

больш чытаных навін
больш лайканых навін

На канцэрт Кадышавай у Мінску ў какошніках прыйшлі нават мужчыны85

На канцэрт Кадышавай у Мінску ў какошніках прыйшлі нават мужчыны

Галоўнае
Усе навіны →

Заўвага:

 

 

 

 

Закрыць Паведаміць