Першая лэдзі Зімбабвэ — Лукашэнку: Вы не толькі бацька, вы — маці
Працягваецца візіт Аксіліі Мнангагвэ ў Беларусь. Сёння яна сустрэлася з Аляксандрам Лукашэнкам.
Першая лэдзі Зімбабвэ Аксілія Мнангагва пазней падзялілася падрабязнасцямі сустрэчы з Аляксандрам Лукашэнкам, падчас якой, паводле яе, «не было закрытых тэм», піша БелТА.
«У нас прайшла выдатная сустрэча. Так атрымалася, што паміж намі не было зусім ніводнай закрытай тэмы. Я адчувала сябе абсалютна як дома. Мы абмяркоўвалі абсалютна ўсё. І цяпер я бачу, што наша супрацоўніцтва будзе ісці наперад. Таму што ў яго ёсць адна важная рэч, якая ёсць і ў нас. Ён умее і гатовы працаваць цяжка і доўга», — сказала Аксілія Мнангагва.
У Беларусі на працягу тыдня яна наведала розныя ўстановы аховы здароўя, каб пасля «пераняць вопыт і тэхналогіі, якія вельмі запатрабаваныя ў Зімбабвэ».
Аксілія Мнангагва падкрэсліла тую ўвагу, якую, паводле яе, Лукашэнка надае развіццю гэтай сферы ў Беларусі: «Я бачыла, які клопат ён праяўляе аб сваёй краіне, аб сваім народзе. Мы бачылі, як клапоцяцца пра дзетак у бальніцы. Менавіта таму я яму сказала: «Спадар прэзідэнт, дазвольце вам сказаць, што вы не толькі бацька — вы і маці для сваёй краіны».
Аксілія Мнангагва лічыць, што візіт Аляксандра Лукашэнкі ў Зімбабвэ быў сапраўды гістарычным. «Людзі ў нашай краіне дагэтуль яго памятаюць. Мы былі вельмі рады прымаць у Зімбабвэ», — сказала яна.
Аксілія Мнангагва ў Мінску гаварыла словамі Наталлі Качанавай
Трэцюю жонку прэзідэнта Зімбабвэ зрабілі ганаровым доктарам Беларускага медуніверсітэта. Па адукацыі яна сакратарка
Жонка прэзідэнта Зімбабвэ сустрэлася з Ірынай Абельскай
Доля Зімбабвэ ў эканоміцы Беларусі мізэрная. Чаму тады прапаганда надае столькі ўвагі візіту Лукашэнкі ў гэтую краіну?
Каментары