Польскія памежнікі затрымалі беларуса з крадзенай машынай коштам у чвэрць мільёна еўра
8 красавіка на выездзе з Польшчы на памежным пераходзе «Кукурыкі — Казловічы» польскія памежнікі затрымалі аўтамабіль Ferrari коштам 1,2 млн злотых (больш за 250 тысяч еўра). Як высветлілася, машына была крадзенай, а вывезці яе спрабаваў грамадзянін Беларусі, паведамляе Памежная служба Польшчы.
«Кіроўца цягача вёз на лафеце легкавы аўтамабіль Ferrari Portofino 2019 года выпуску ацэначным коштам у 1,2 млн злотых. У ходзе правядзення кантрольных дзеянняў супрацоўнікі памежнай службы высветлілі, што аўтамабіль знаходзіцца ў вышуку як скрадзены», — паведамілі ў ведамстве.
За рулём грузавіка быў 28-гадовы беларус. Яго затрымалі, а Ferrari канфіскавалі.
Ferrari, якую спрабаваў вывезці беларус, аказалася самай дарагой машынай сярод усіх затрыманых сёлета на ўсходняй мяжы Польшчы. Як адзначылі ў польскай памежнай службе, гэты аўтамабіль разганяецца да 100 км/г за 3,5 секунды і дасягае хуткасці 320 км/г.
Цяпер чытаюць
Усе беларускія банкі пачнуць сачыць за месцазнаходжаннем кліентаў? Альфа-банк ужо папярэдзіў, адмовіцца немагчыма16
Усе беларускія банкі пачнуць сачыць за месцазнаходжаннем кліентаў? Альфа-банк ужо папярэдзіў, адмовіцца немагчыма
Каля Сафіі ў Полацку паставілі помнік лётчыкам Нічыпарчыку і Куканенку. Але нават не самалёт той мадэлі, на якой яны загінулі, а аэраплан сталінскага часу2020
Каментары