Polskija pamiežniki zatrymali biełarusa z kradzienaj mašynaj koštam u čverć miljona jeŭra
8 krasavika na vyjeździe z Polščy na pamiežnym pierachodzie «Kukuryki — Kazłovičy» polskija pamiežniki zatrymali aŭtamabil Ferrari koštam 1,2 młn złotych (bolš za 250 tysiač jeŭra). Jak vyśvietliłasia, mašyna była kradzienaj, a vyvieźci jaje sprabavaŭ hramadzianin Biełarusi, paviedamlaje Pamiežnaja słužba Polščy.
«Kiroŭca ciahača vioz na łafiecie lehkavy aŭtamabil Ferrari Portofino 2019 hoda vypusku acenačnym koštam u 1,2 młn złotych. U chodzie praviadzieńnia kantrolnych dziejańniaŭ supracoŭniki pamiežnaj słužby vyśvietlili, što aŭtamabil znachodzicca ŭ vyšuku jak skradzieny», — paviedamili ŭ viedamstvie.
Za rulom hruzavika byŭ 28-hadovy biełarus. Jaho zatrymali, a Ferrari kanfiskavali.
Ferrari, jakuju sprabavaŭ vyvieźci biełarus, akazałasia samaj darahoj mašynaj siarod usich zatrymanych sioleta na ŭschodniaj miažy Polščy. Jak adznačyli ŭ polskaj pamiežnaj słužbie, hety aŭtamabil razhaniajecca da 100 km/h za 3,5 siekundy i dasiahaje chutkaści 320 km/h.
Ciapier čytajuć
Babaryka raskazaŭ, čamu pierad vybarami nie šukaŭ padtrymki ŭ Rasii. I jak jaho chacieli zvolnić ź Biełhazprambanka za łozunh «Žyvie Biełaruś!»6
Babaryka raskazaŭ, čamu pierad vybarami nie šukaŭ padtrymki ŭ Rasii. I jak jaho chacieli zvolnić ź Biełhazprambanka za łozunh «Žyvie Biełaruś!»
Maksim Znak pra pres-kanfierencyju va Ukrainie: My damovilisia nie ŭzdymać najbolš balučyja temy — katavańniaŭ, sankcyj, vajny. Moža, musili my pa-inšamu zrabić99
Kamientary