Сур'ёзных змен няма, калі вы жадаеце адправіць па месцы прапіскі.
Як будзе праходзіць залічэнне дзяцей у першыя класы ў новым навучальным годзе, распавяла ў эфіры «Радыё-Мінск» першая намесніца старшыні Камітэта па адукацыі Мінгарвыканкама Людміла Барысенка.
«Сёлета прыём у першыя класы будзе праходзіць у традыцыйным фармаце. Сур'ёзных змен няма. За кожнай установай адукацыі замацоўваецца мікрараён. Калі бацькі адносяцца да яго па прапісцы — падаюць заяву на імя дырэктара ў прыёмную камісію школы або гімназіі з 12 чэрвеня па 15 жніўня.
Калі ж жадаюць адправіць сваё дзіця ў навучальную ўстанову не па адрасе пражывання, то працэдура трохі ўскладняецца.
Пасля 12 чэрвеня на асабістым прыёме ў кіраўніка школы яны пакідаюць заяву для прыёму дзяцей на вольныя месцы. І калі такія ёсць, то з 16 па 28 жніўня адбываецца залічэнне дзіцяці, — растлумачыла Барысенка.
Нягледзячы на тое, што ў гэтым навучальным годзе не будуць уводзіцца ў эксплуатацыю новыя школы, усім першакласнікам месцаў хопіць.
— Кантрольныя лічбы прыёму ў першыя класы не фармуюцца спантанна. Школа або гімназія вядзе ўлік тых дзяцей, якія пражываюць у замацаваных мікрараёнах. І ў гэтыя лічбы ў цэлым па горадзе мы ўпісваемся. Праблем з прызначэннем дзяцей у 1-ы клас, вядома, не будзе, — сказала Барысенка.
Цяпер чытаюць
Усе чакалі падзення цэн, але нічога падобнага! Як за год змяніліся цэны на кватэры ў Мінску і іншых буйных гарадах12
Усе чакалі падзення цэн, але нічога падобнага! Як за год змяніліся цэны на кватэры ў Мінску і іншых буйных гарадах
На поўначы Беларусі існавала велізарнае возера — у 150 разоў большае за Нарач. Яно знікла ў выніку прыроднай катастрофы, але сляды заўважныя і сёння33
Каментары