Старшыня КДБ праанансаваў «шэраг сур’ёзных акцый замежных цэнтраў» на тэрыторыі Беларусі
Па выніках чарговай нарады сілавога блока ў Лукашэнкі Іван Церцель заявіў, што КДБ прагназуе значную эскалацыю абстаноўкі па перыметры Беларусі.
Па яго словах, не спыняюцца спробы дэстабілізаваць сітуацыю ўнутры краіны. Як сцвярджае Церцель, неназваныя «цэнтры за мяжой» плануюць гэту дзейнасць пры падтрымцы непасрэдна куратараў, у тым ліку з ліку замежных спецслужбаў.
Ён паабяцаў неўзабаве паказаць прыклады прадухілення тэрактаў, працы контрразведкі і матэрыялаў затрыманняў.
«У нас кожны дзень ідзе ціхая праца. Яе кіраўнік дзяржавы асабіста кантралюе, ведае ўсе нюансы. У бліжэйшы час — тыдзень-паўтара — мы пакажам вынікі гэтай працы. На жаль, не ўсе нашы грамадзяне яшчэ ўсведамляюць тую небяспеку, якая складваецца вакол іх, вакол іх сем'яў. Таму мы на прыкладзе ўжо рэальных матэрыялаў, рэальных затрыманняў, працы контрразведкі, працы падраздзяленняў па абароне канстытуцыйнага ладу, якія прадухіляюць тэракты, пакажам вось гэтыя прыклады для таго, каб нашы людзі разумелі, з чым мы маем справу», — цытуе словы кіраўніка КДБ БелТА.
Лукашэнкаўцы і раней тлумачылі масавыя рэпрэсіі ў краіне нібыта змаганнем з замежным ворагам. Прошукамі ворагаў тлумачылася і беднасць, эканамічныя праблемы.
Масавыя палітычныя рэпрэсіі ў Беларусі працягваюцца з 2020 года, калі Аляксандр Лукашэнка, мяркуючы па звестках з участкаў, дзе выбарчыя камісіі дазволілі назіральнікам сачыць за падлікам галасоў, прайграў Святлане Ціханоўскай, але не аддаў уладу.
З 2022 года, пасля нападу Расіі на Украіну, беларусаў пачалі пераследаваць і за антываенныя выказванні або сімпатыі да Украіны.
За гэты час у краіне адбылося не менш за 50 тысяч палітычна матываваных затрыманняў, заведзена не менш за 12 тысяч палітычна-крымінальных спраў і адкінутыя нават самыя базавыя нормы законнасці і маралі.
Калі маеце важную для ўсіх інфармацыю, пішыце рэдактару «Нашай Нівы» ў ТГ, на [email protected] ці [email protected].
Альбо пішыце асабіста тым журналістам і рэдактарам «Нашай Нівы», якіх вы ведаеце і якім давяраеце (лепш — у сігнал ці тэлеграм).
«Наша Нiва» — бастыён беларушчыны
ПАДТРЫМАЦЬПамятаеце пару студэнткі і выкладчыка духоўнага вучылішча, які старэйшы за яе на 31 год? Яны разбегліся3
Памятаеце пару студэнткі і выкладчыка духоўнага вучылішча, які старэйшы за яе на 31 год? Яны разбегліся
Электронную «Беларускую энцыклапедыю», створаную як прастору «верагодных ведаў пра Беларусь», ціха ліквідавалі разам з рэдакцыяй. Купу артыкулаў перадалі Гігіну77
Каментары