У Мінску паставяць смеццевыя бакі з накрыўкамі — змагаюцца з варонамі
Старыя адкрытыя смеццевыя бакі ў Мінску пачнуць замяняць на мадэлі з шчыльнымі накрыўкамі. Пра гэта паведамілі ў сталічным камітэце па ахове прыродных рэсурсаў і навакольнага асяроддзя.

Фота: Blizko.by
Чыноўнікі адзначаюць, што падставай для такога рашэння сталі скаргі мінчан на птушыныя чароды каля сметніц. Вароны і гракі шумяць, раскідваюць смецце. Пры гэтым барацьба з самімі птушкамі неэфектыўная без ліквідацыі прычын іх з'яўлення — неабходна закрываць кантэйнеры.
Таксама ў камітэце нагадалі, што грамадзянам забаронена самастойна змагацца з птушкамі. Каб ацаніць неабходнасць рэгулявання колькасці крумкачовых, трэба звярнуцца ў раённую адміністрацыю. Спецыяльная камісія абследуе тэрыторыю і прыме рашэнне аб мэтазгоднасці такіх мер.
Цяпер чытаюць
Дырэктар Віцебскага цэнтра сучаснага мастацтва Андрэй Духоўнікаў пераехаў у Сербію — ён расказаў пра даносы ў культуры, неадукаванасць міністраў і чый жа Шагал
Каментары