Каб заняць першае месца ў групе і наўпрост выйсці ў дывізіён В, футбольнай камандзе трэба было сёння ў Венгрыі перамагаць Албанію.
На жаль, так не атрымалася, албанцы перамаглі 2:0.
Албанія — 15, Беларусь — 10, Фінляндыя — 10, Сан-Марына — 0.
Беларусь заняла другое месца за кошт нічыёй і перамогі ў паядынках з Фінляндыяй.
Албанія напрамую выйшла ў дывізіён В. Зборная Беларусі вясной згуляе стыкавы матч з камандай, што зойме чацвертае месца ў адной з групаў дывізіёна В.
На 4‑м месцы дакладна фінішавала Паўночная Македонія, таксама чацвёртыя месцы пакуль займаюць Грузія, Ізраіль, Румынія. Іх гульні пройдуць у аўторак.
5 снежня адбудзецца лёсаванне адборачнага турніру да чэмпіянату Еўропы па футболе 2028 года, што пройдзе ў Вялікабрытаніі і Ірландыі.
Беларусь будзе пасеяна ў чацвёртым кошыку (пяты — самыя слабыя зборныя). Будзе сфармаваныя 12 груп па 4 ці 5 камандаў. Адборачныя матчы пачнуцца ў сакавіку.
Цяпер чытаюць
Дырэктар Віцебскага цэнтра сучаснага мастацтва Андрэй Духоўнікаў пераехаў у Сербію — ён расказаў пра даносы ў культуры, неадукаванасць міністраў і чый жа Шагал14
Каментары