Контрнаступленне Кіева можа адкрыць шлях да перамоў з Расіяй пры ўдзеле Кітая — WSJ
За перамовы Масквы і Кіева выступаюць ключавыя прадстаўнікі Рады нацыянальнай бяспекі Белага дома, у той жа час у Дзярждэпе і ЦРУ настроеныя больш скептычна і чакаюць украінскага наступу, кажуць крыніцы Wall Street Journal.
Вытрымкі з артыкула пераказвае РБК.
Запланаваны Украінай наступ можа адкрыць дарогу да перамоў Кіева з Масквой да канца года, пасадзіць Расію за стол перамоў можа Кітай, распавялі Wall Street Journal чыноўнікі ў ЗША і ЕС на ўмовах ананімнасці.
«Гатоўнасць спрыяць перамовам і знайсці Кітаю ролю ў іх паказвае зрух у мысленні Захаду, асабліва ў ЗША, якія скептычна ставіліся да ўключэння Пекіна, улічваючы падтрымку Масквы Кітаем. <…> Гэты падыход заснаваны на ўяўленні, што ні адзін з бакоў [канфлікту] не здольны працягваць змагацца бясконца і што неабходна выпрабаваць, наколькі Пекін гатовы адыграць ролю ў мірных перамовах», — гаворыцца ў артыкуле.
Зацікаўленасць ЗША ў перамовах збліжае краіну з некаторымі краінамі Еўропы, якія хочуць завяршыць канфлікт або знізіць яго інтэнсіўнасць.
Са слоў неназваных еўрапейскіх чыноўнікаў, ключавыя прадстаўнікі ў Радзе нацбяспекі ЗША выступаюць за перамовы, у той час як Дзярждэп і ЦРУ настроеныя больш скептычна і хочуць убачыць, як будзе праходзіць украінскі наступ.
ЗША выразна заявілі, што будуць працягваць падтрымліваць Украіну, паведаміў выданню прадстаўнік Рады нацбяспекі Белага дома Адам Ходж. Дзярждэп і ЦРУ не адказалі на запыт газеты.
Цяпер чытаюць
У Чэхіі палякі збілі паляка, прыняўшы яго за ўкраінца з-за шапкі ў колерах Верхняй Сілезіі. Хлопец ехаў у велапрабег дзеля хворай на рак цяжарнай партнёркі2525
Каментары