Усяго патроху11

Mortal Kombat 1 перазапусціць легендарную серыю відэагульняў у верасні

Наступны рэліз у адной з самых папулярных серый відэагульняў Mortal Kombat можа быць не такім, якім можна было чакаць. Кампаніі NetherRealm і WB Games прадставілі анонс Mortal Kombat 1 — як заяўляецца, «адроджаны» погляд на серыю, якая абяцае новую баявую механіку і рэжымы гульні.

Выява: Mortal Kombat / Warner Bros. Games 

У той час як большасць дэталяў застаюцца ў сакрэце, у трэйлеры можна ўбачыць шмат вядомых персанажаў і — што застаецца нязменным у гульні — вялікую колькасць крыві і «расчлянёнкі».

Mortal Kombat 1 выйдзе 19 верасня для ПК, PS5, Switch і Xbox Series X/S. Па перадзамове доступ да бэта-версіі можна атрымаць ужо ў жніўні: лічбавае прэміум-выданне коштам 110 долараў, апроч ранняга доступу да гульні (з 14 верасня), прапануе і ранні доступ да гульнявых персанажаў і Kameo Fighters, а таксама скін Джоні Кейджа, зроблены так, каб нагадваць Жана-Клода Ван Дама (які, дарэчы, павінен быў сыграць Джоні ў першай класічнай экранізацыі гульні, выпушчанай у 1995 годзе).

А калі вы сапраўды адданы аматар, то зможаце набыць фізічнае калекцыйнае выданне коштам 250 даляраў, якое будзе ўключаць у сябе 42-сантыметровую скульптуру Лю Канга, а таксама адпаведны гульнявы скін, мастацкія прынты і спецыяльны футляр.

Відэагульня Mortal Kombat выйшла ў 1992 годзе і адразу ж стала настолькі папулярнай, што атрымала працяг у самых розных відах (уключаючы некалькі кінастужак, серыялаў, коміксаў) і стала самай прадаванай франшызай файтынгаў і адной з самых прыбытковых медыя-франшыз усіх часоў.

У новай гульні падзеі разгорнуцца ў сусвеце, перароджаным богам агню Лю Канам, з пераасэнсаванымі версіямі знакавых персанажаў. Па словах суаўтара гульні Эда Буна (Ed Boon), адзінка ў назве гульні сімвалізуе пачатак сусвету: «Гэта не працяг гісторыі Mortal Kombat 11, таму ў гэтай новай рэальнасці ў персанажаў зусім іншыя ролі. Мы хочам падкрэсліць гэта нашым загалоўкам».

Бун таксама сказаў, што над Mortal Kombat 1 студыя NetherRealm працавала даўжэй, чым над любой іншай гульнёй серыі, і што ў фінальным прадукце «гэта будзе заўважна». Mortal Kombat 1 (2023) выходзіць праз чатыры гады пасля папярэдняй часткі, што стала ўжо свайго роду традыцыяй, бо столькі ж гадоў падзяляла і некалькі папярэдніх рэлізаў: Mortal Kombat 11 (2019), Mortal Kombat X (2015), Mortal Kombat (2011).

У той час, як новая гульня выразна пазіцыянуецца як магчымасць пераасэнсаваць геймплэй і ўсю гісторыю агулам, прыхільнікі гульні хвалююцца, наколькі значнымі будуць змены.

Каментары1

  • Максим Дизайнер
    23.05.2023
    Очередная безвкусица от молодых и энергичных ушлепокв, которые не знают, что еще выср своими тупыми мозгами на Кипрах и Калифорниях, придумали маркетинг "1". К оригинальной концепции и игре никакого отношения не имеет вообще.

Цяпер чытаюць

На канцэрт Кадышавай у Мінску ў какошніках прыйшлі нават мужчыны85

На канцэрт Кадышавай у Мінску ў какошніках прыйшлі нават мужчыны

Усе навіны →
Усе навіны

Турысты накідалі ў фантан Трэві амаль на 200 тысяч еўра менш пасля таго, як падыход да яго зрабілі платным4

Кітайскі маркетплэйс Temu сам прапанаваў беларусцы супрацоўніцтва, але зліўся, калі даведаўся яе грамадзянства13

Мінабароны расказала, як над Беларуссю збіваюць заблукалыя дроны2

З Янам Памедорам Рэуцкім развіталіся ў Варшаве

Канкурэнт Starlink страціў 40 спадарожнікаў: ракета не даляцела да арбіты

Сабаленка адкацілася на трэцяе месца ў сусветным рэйтынгу

Сэрца — амаль адзіны орган, які не хварэе на рак. Навукоўцы пачынаюць разумець чаму1

Грэцкі агонь, антыкітэрскі механізм, сільфій ды іншыя страчаныя вынаходніцтвы. Чаму чалавецтва іх забыла?1

Аргазм ёсць, а спермы няма. Што такое рэтраградная эякуляцыя і чым яна небяспечная11

больш чытаных навін
больш лайканых навін

На канцэрт Кадышавай у Мінску ў какошніках прыйшлі нават мужчыны85

На канцэрт Кадышавай у Мінску ў какошніках прыйшлі нават мужчыны

Галоўнае
Усе навіны →

Заўвага:

 

 

 

 

Закрыць Паведаміць