Ультрас «Напалі» стрымалі абяцанне: у гонар адстаўкі трэнера вярнулі руль ад скрадзенага ў яго аўтамабіля
Гісторыя, якая працягвалася аж 2 гады.
Фота з сацыяльных сетак
«Напалі» пад кіраўніцтвам Спалеці ў гэтым сезоне выйграў свой першы тытул у Серыі А за 33 гады. Гэта першы раз, калі клуб стаў чэмпіёнам Італіі без легендарнага Дыега Марадоны ў складзе.
Нягледзячы на заваёву тытула, Лучана вырашыў узяць творчы адпачынак і пакінуў пасаду галоўнага трэнера неапалітанцаў.
Акурат гэтага рашэння Спалеці патрабавалі ультрас у кастрычніку 2021 года, яны былі настолькі незадаволеныя працай трэнера, што скралі яго аўтамабіль Fiat Panda, запатрабаваўшы адстаўкі: «Спалеці, мы вернем тваю Panda, калі ты пойдзеш!»
І вось цяпер, калі адстаўка адбылася, яны выканалі частку абяцання, вярнуўшы Лучана руль і некалькі кампакт-дыскаў яго любімага Піна Даніэле, піша Sports.ru.
Каментары