У ЗША пацвярджаюць поспехі Украіны ў раёне Бахмута, але ёсць і страты
Украінскія войскі сустрэлі большы, чым чакалася, супраціў з боку расійскіх войскаў пры спробе прарыву лініі абароны Расіі ў раёне Бахмута ў апошнія дні, але дасягнулі першых поспехаў. Пра гэта тэлеканалу CNN паведамілі два амерыканскія чыноўнікі, піша «Еўрапейская праўда».
Паводле звестак амерыканскага боку, украінскім войскам удалося выцесніць частку расійскіх сілаў на ўсходзе ў раёне Бахмута. Аднак расіяне, узброеныя супрацьтанкавымі ракетамі, гранатамётамі і мінамётамі, аказваюць «жорсткі супраціў».
Расійскія сілы ўкапаліся ў абарончыя лініі, якія ў некаторых месцах маюць глыбіню ў некалькі слаёў і ўсеяныя міннымі палямі, што, са слоў суразмоўцаў CNN, «нанесла значную шкоду ўкраінскай бранятэхніцы».
Адзін з амерыканскіх чыноўнікаў назваў страты «значнымі», удакладніўшы, што гаворка ідзе, у прыватнасці, пра бронетранспарцёры MRAP, якія далі Украіне ЗША.
У той жа час суразмоўцы CNN кажуць, што апошнія страты ўкраінскіх сіл не паўплываюць на больш маштабнае запланаванае ўкраінскае контрнаступленне.
«Амерыканскія і заходнія чыноўнікі даўно чакалі, што контрнаступленне зойме шмат часу і паставіць украінскі персанал і тэхніку, у тым ліку і сістэмы, якія пастаўляюцца Захадам, пад вялікую рызыку», — адзначае тэлеканал.
Чытайце таксама:
На Бахмуцкім напрамку УСУ перайшлі ў наступ — Мінабароны Украіны
Страты УСУ ў Бахмуце ў сем з паловай разоў меншыя, чым у расіян — Данілаў
Цяпер чытаюць
У Быхаве паставілі выродлівы помнік жанчыне. Разам са скульптурай у Касцюковічах ён можа стаць сімвалам культурнай дэградацыі Беларусі пры Лукашэнку10
У Быхаве паставілі выродлівы помнік жанчыне. Разам са скульптурай у Касцюковічах ён можа стаць сімвалам культурнай дэградацыі Беларусі пры Лукашэнку
Замест парэшткаў Вітаўта за сцяной Віленскай катэдры знайшлі толькі кучу камянёў. Але ўлады Літвы гатовыя выдаткаваць на працяг пошукаў яшчэ 1,5 мільёна еўра3232
Каментары