«Судна можа хадзіць пад расійскім сцягам». Мінтранс хоча пабудаваць новы круізны цеплаход для плавання па Прыпяці
Мінтранс мае намер зрабіць новае турыстычнае рачное судна і запусціць яго па круізным маршруце па Прыпяці, які лічыцца самым паспяховым з камерцыйнага пункту гледжання. Пра гэта паведамляе Рэспубліканскі саюз турыстычнай індустрыі (РСТІ).
Новы карабель можа быць пабудаваны на Пінскім суднабудаўніча-суднарамонтным заводзе. Але паколькі ў Беларусі ўжо практычна не засталося спецыялістаў для суднабудавання, то іх маюць намер запрасіць з Расіі ў колькасці 30-40 чалавек, і «мы гатовыя пад гэту справу завод затанна аддаць»:
«Няма сэнсу 5 гадоў карабель будаваць, як гэта было з «Белай Руссю», яго трэба за 9 месяцаў сабраць і на ваду спусціць. Пры гэтым судна можа хадзіць пад расійскім сцягам. Падпісана пагадненне, якое дазваляе зарэгістраваць карабель у расійскім рэестры суднаў, і гэта можа быць цалкам расійскі аб'ект. А ў нас будзе свабоднае параходства для іх», — заявіў начальнік упраўлення марскога і рачнога транспарту Мінтранса Андрэй Чарнабылец.
Новае судна магло б хадзіць па тым жа маршруце, па якім цяпер ходзіць «Белая Русь» — адзіны круізны цеплаход, які цяпер ёсць у Беларусі. Ён спушчаны на ваду ў 2017 годзе.
Ужо вясной усе каюты ў гэтым круізе выкупляюцца да канца сезона, прытым што іх кошт — ад 1,5 да 3,6 тысяч рублёў на аднаго чалавека. Асноўны кантынгент падарожнікаў — расіяне.
Цяпер чытаюць
З псіхбальніцы збег былы начальнік Ганцавіцкай міліцыі12
Каментары